Leǧnas

Rrus akk d marikan

D-amennuɣ iw m-id stufa-n

Waqil adglu-n yiss-naɣ

Kseb-n leslaḥ awaεṛan

Deg-naɣ la-ţ-galla-n

Wur neddi yidi at-nɣaɣ

Nutni d lǧens yeqwa-n

Nekkni d-imḍaεfan

Ţxilek allah selek-anaɣ___Y/S

Ibardan

Ddunit akka i tebna

Yal wa d-abrid id d-ibbi

Wa yextaṛ tirruggza

Wayeḍ yuɣal d-aḥarki

Yiwen ycuɣɣb-it uzekka

Wayeḍ yendi d-iḥili

Abεaḍ yaṛwa tilufa

Gma-s yečča-ţ i tili

Assa u ɣuṛ id teggra

Ar wid yedda-n d-uṛumi

Neqqaṛ akka i ggura

Nezga n-ṣeḍlam ṛebbi___Y/S

Ysaḥ y-iẓri-w

Ysaḥ yeẓri-w d isaffen

D iḥemmuya id d-iţeffi-n

La ṭru-ɣ af y-ixef-iw yaεdem

Ẓẓhaṛ d lmektub di ssin

Ddunit tendel-iyi allen

Nekk mazal-iyi ger lḥeyyin

Ţxil-m a lεid id ybbeḍ-n

Af w-udem-iw zzi akkin

Nekk ul-iw ata yaḥz-n

Kem t-stufaḍ-d i tmeɣyayin

Dacu i yid d-iṣaḥ-n

Ala taṛẓeg n timqennin___Y/S

Lɛaṛḍ-iw

Allah Allah a yiwen

D keč id lḥakem

Nju-y-aɣ di lqqum-aggi

Wehma-ɣ di laεbad ṣṣeḍ-n

Lεaṛd-iw ssaḥell-n

Yeţwakkes leqdaṛ felli

D yir aṭṭan aten yaḍen

Lmut aten yeddem

Aten-yessenger wakali___Y/S

YeYeţwakkes leqdaṛ

Yeţwakkes leqdaṛ af tmurt

Kulci deg-s yemmut

Menwala yettef akkersi

Agdud kksen-as lqut

Gezmen-as ṣṣut

Akken is-nihwa adyini

Win yebɣa-n levɣi-s yaṛbu-t

Γas d-azref yeţţu-t

Siwa ayen bɣan nutni

Yalattif ur d d-iggra ţbut

Yeqwa-ţ baḥwaṣut

Yţeki ud d-abaṛṛani

Tamurt izedɣ-iţ lxuf

Yhaj uḥelluf

Wama lεebd uli ad-yini

Lefsad ttṛafik lahyuf

D ẓhaṛ umencuf

Yaṛwa aṣeḥṛ lyali___Y/S

Yir argaz

T-sεi-ḍ iles am-arrezg-ik

T-zzuzr-ḍ udem-ik

T-xedem-ḍ ibidyuten

T-kat-ḍ di medden axiṛ-ik

T-ttu-ḍ di temẓ-ik

Qlil sgek bb-ig-selk-n

Assa ccebaḥ-ḍ isem-ik

D ttbib a ssaεd-ik

T-ţdawi-ḍ s-ipantuzen

Limer di zeddig w-ul-ik

Ur yeţcabi uqadum-ik

Ar tkarciwt gg-izgaren

Iniyi-d d-anwa-t laṣel-ik

D menhu-t jedd-ik

Ma macid seg lexxaxen

Ǧiɣ ṛebbi d-awkil-ik

Ak-n-yar leǧwab-ik

A y-aqqel gg-argazen___Y/S

Taẓallit

A y-agellid ammeqṛan

A ṛebbi aya keč i yellan

I ţẓalla-n zik ymumnin

Ɛac-n tudert t-henna-n

Ulawen ṣfa-n

Ulac wa yṣubb wa yulin

Ma d-assa lexxeṛ n zman

Nulfan-d el ixwan

Bbin-aɣ-d laεwayed ur yellin___Y/S

Ddin

D leqlil ig-sεan ddin

D laεqel d-uṛzin

Ur yheddaṛ ar d-issaḥseb

Ma d-win aḥlil yhetin

Yečuṛ ţimcektin

Mkul ass yeseftay lekteb

Tideţ d ljenet ur nessi-n

Medden akk ţ-menni-n

Neţṭat awid win taṛɣeb___Y/S

Iqemqam

Wi yţεayaṛ-n iqemqam

Siwa imaεfan

Deg ayen ur nesεi lmaεna

Azal-ik ammi d-ameqqṛan

D-itri nnig yetran

Teḍwiḍ-d igeni lqaεa

Ncallah aţiliḍ d-aεewwam

Deg g-illel tmusni yezran

Isem-ik ad yeqqim lebda___Y/S

Lmitaq

Attas ig g-uɣ-n lmitaq

D ddnub yεellaq

Am tesbiḥ deg-fus-is

Ad d-iheddaṛ ad d-ixaṛṛaq

Mebla lmenttaq

Siwa yesfuǧuɣ y-iles-is

Ma yelli im-is ad d-inttaq

Ad d-ibdu aṣttaṛḍaq

Aḥlil wi yḥuza ssem-is

Ma yqeddaṛ ṛebbi ywufaq

Ḥuzat-k sεayaq

Lmut t-ṭas-d s-lajel-is

Ur k-ineq ur k-iεetaq

Saεd-is yexṛaq

Ṛebbi yelhad d cɣɣel-is

A y-aḥnin yţbeggin-n lḥaq

Fiḥel ma n-nṭṭaq

Amcum at-id-yas w-ass-is___Y/S

Yal zman

Yal zman yesεa laεṛuṛ

Y-ccahid-n ẓẓuṛ

Kat-n d w-ittef-n di lḥaṛma-s

Nitni d ddarya uqaṛquṛ

Ţ-ḥibbi-n yir lahḍuṛ

Xedem-n siwa di tmenqas

Dder-n ala di leɣṛuṛ

Heddaṛ-n af-umarmur

Ɛabd-n-t amzun d-aεssas___Y/S

Lmay

D laεvad yecva-n lmay

Ččuṛ-n ţimcukkay

Γettel-n ẓẓaṛb i lḥaṛma

Usan-d ar ddunit s tmeḥḥay

Ur sεi-n azay

S-ṛuḥ-n i tudert lbenna

D-acu asen-budd-ɣ i y-iɣyay

Yes-ttuqut-n away

Y-aṛẓa-n lqid i ṣṛima

Ncallah ymut s-ujemmay

Aţ-ṭţawi aţ-sfayay

A lǧahennem qsada___Y/S

Laɛṛuṛ

Fti-n laεṛuṛ di tizi

Mḥayad-n irkkuli

Xleq-n-d agraw misanjar

Garasen laḥya ur telli

Hedṛen af kulci

Deg g-agus kan d-aggessar

Luttf-ik a sidi rebbi

Ma t-εuned-ḍ wigi

Nugad ad d-isax w-udrar___Y/S

Tamurt-iw

A tamurt-iw εzizen

Dacu ikem yuḍen-n

Ayɣaṛ ybeddel w-udem-im

Zik leggrur ideflawen

Yal d lxiṛ ɣuṛem

Zgan čuṛ-n w-urawen-im

Assa igeni-m yaḥzen

Laεwanṣeṛ qquṛen

Waṛṛaɣ ula d lwaṛq-im

Ass-fi s yargazen taεmaṛ

Leqdaṛ-is meqqaṛ

Muhav ula d lexyal-is

Win yeslan i ǧaṛǧaṛ

Ul-is s lfaṛḥ ad yačaṛ

Yarna ad yezdi lqed-is

Tura teggra-d s-imqaṛqaṛ

Yall-ass d-aẓemmaṛ

Cemten iw-adrar isem-is___Y/S

Maci kifkif

maci yakk medden kifkif

Yall wa d-aɣilif

I t-icɣɣeb-n ass d y-iḍ

Yiwen yezzuzef-it lḥif

Am win yezla ssif

Arnu ar medden ur yeţɣiḍ

Wayeḍ d-aɣarbal yessifif

Yeţarra di rrif

Ẓẓhaṛ-is ysened-it a lḥiḍ

Aybεaḍ aḥlil d-uḍṛif

Yezga yessurrif

Deg ul war yesεi lɣiḍ

Bu nniya meskin d-ungif

Lmektub d-uxsif

D ccmaε yesengayen nffiḍ

Bu ssaεd bbat-as-d d lexrif

Lxiṛ ar ɣuṛ-s yeskekif

Si yal lǧiha teţfiḍ___Y/S

Ṣbaṛ

A w-ufan ṣbaṛ d-asif

Ar ɣuṛeṣ ad d-iṛeẓ asalu

Ad d-iṣvaṛ i tid n bbessif

Id d-iţ-hubbu-n am aḍu

Yall ccedda t-tbaε-iţ talwit

Ṛebbi yreffed yesrusu___Y/S

Lḥeq

Ass-mi ad d-ihḍaṛ lḥeq

Lekteb at t-isḥeq

Tideţ ad d-ibin w-udem-is

Tamṭṭut yaṛẓan lufeq

Texḍa i lmenṭṭeq

Ţin ig-hudden axxam-is

Ṛebbi ur yheddaṛ ur yneṭṭeq

Yqettu s lḥeq

Ur yeţcawaṛ ḥed di cɣɣel-is___Y/S

Lqahwa

Lqahwa nat bu εellam

T-ṭwassen si zman

Ţawin-ṭ medden d lemtel

Tezdeg leqdaṛ d laman

D w-awal aẓidan

Ig ṭ-zzin siwa lefḥel

Assa tuɣal nat bu ṣeyḥan

Smayen-as lmizan

Tirrugza fkan-ţ d-asfel___Y/S

A yixef-iw

A yixef-iw qqim waḥd-k

Yella ṛebbi d-imsellek

D neṭţa ig tellin tibbura

Win akken at-ɣill-ḍ inek

Attaf-ḍ d-imṛennek

Ak-yili d sebba lmaḥna

D ṛebbi axiṛ ma yella yidek

Nekkni ur neẓṛi amek

D neṭţa ig-walan tagara___Y/S

Lahlak n ccek

Attas ig helk-n ccek

Yal wa deg g-ayen ig jaṛṛeb

Wa yeka-yas-d seg čekček

Wayeḍ deg qella uḥazzeb

Nnan tudert am cbek

Anda yeqṛeṣ ig g-aεyeb___Y/S

Ataya lmut

Ataya lmut s-ujemmay

Ad d-iwet am ḥemmay

Ad yawi amɣaṛ aqṛuṛ

Ayen akk tennam lmuḥay

At-xalleṣ-m ɣlay

Ṛebbi ur yeţsemiḥ ẓẓuṛ

Yir lhedṛa ɣas d-away

Ttaṛ-is bezzaf lqay

T-ţeţ di lɛebd am laεcuṛ___Y/S

Lhem n lefrac

W-ad yeks-n ul-is at t-iεdem

D cttayaṛ at t-igzem

Atifek ţundict i ymecac

Lebɣi yellan deg-s yaḥkem

Mi it t-infa dayen

Yekkes aseddu n taryac

Ad yidir waḥd-s laḥṣen

Ad d-ikkes axemem

Yartaḥ si lhem n lefrac___Y/S

Assuht bb-awal

A win yessuhut-n awal

Tecbi-ḍ aḥemmal

Id d-iṭawi-n ifaṛḍan

Imi-k yelli s lekmal

Yezga yessawal

Ṭaɣɣṛast kcem-n w-aṛẓan

Tekat-ḍ di medden acḥal

Tezraɛ-ḍ ccwal

Ur k-izmir u d ccittan

Zdin laḥbab am uzzal

Tefṛaq-tten am uffal

Tegzem-ḍ ula d-icuddan

Labbud ad d-iduṛ lḥal

Aṭ-ḥṣel-ḍ di lmuḥal

Ammin akken gzer-n y-iḍan

Tudert sɣuṛ ṛebbi tektal

Win ig-qdec-n di tfukal

Nṣib-is a

s-tfer-n w-ussan___Y/S

Tayri

Akkarsi gar ijeǧǧigen

Acu i t-ixuṣṣen

D ssin t-sdukkel tayri

Ittij abaḥri ḥlawen

Ifṛax nnig-sen

Yal wa d ccna id d-iṭawi

Ddunit tefṛaḥ yissen

Di lebɣi tedda-yasen

Abrid i t-ṭɛedday temẓi___Y/S

At tizi

At tizi ugar-n ccaṛ

Ččuṛ-en d ttaṛ

Yeṭɣiḍ wi ɣyin garasen

Allaɣ-nsen d-aɣbub n ccɛaṛ

Id d-izgan deg iɣẓaṛ

Leṣnan deg-s id d-iṭraḥen

Ma yaḥma ad d-iṣenttaṛ

Ma ṣemmeḍ ad d-iqqaṛ

D bu laɛyub yeṭaweḍ-n

Ṭɛamid-n i tukksa n leqdaṛ

Ḥemmey-n azkkaṛ

Ur d-clig-n d wi iḍuṛ-n

Nnif-nsen ḍyan-as lɛaṛ

D ddarya ucemmaṛ

Awid kan anwa a ssimes-n

Ssira-nsen d lkifaṛ

Siwa amekkaṛ

Maci d-ajdid ar ɣuṛes-n___Y/S

JSKA

Ur d-aɣ d-iqqim jska

Ur d-iqqim u jskiw

Likip tuɣal d lxxarda

Amzun n-sewweq d-ucinwiw

Ayen akk i bna-n imezwura

Irab yeggra-d uɣaṛsiw

A yixef-iw ṣbaṛ tura

Neɣ rru a d-iddarɣel yeẓṛi-w___Y/S

Zik-nni

Γas zik laεbad lluẓen

Di ddunit ţ-seggim-n

Yal wa yettef di lḥaṛma-s

Lamči uwlac imcumen

Ţirrugza i ten-yugar-n

Almi qqim-n labas

Assa attaṣ ig g-bedel-n

Medden yakk ṣḍen

Ugaren azrem tisuqas___Y/S

Ddunit m-udem-awen

Ddunit m-udem-awen attaṣ

Wa ḥnin-t fell-as

Wa tuɣal-as-d d-arrahba

Yiwen yesεa-ţ d yemma-s

Γuṛes ẓhaṛ d-aεessas

Taɣawsa is-yahwan tella

Wayeḍ ṭ-amettut n baba-s

Ahbuh tečča tasa-s

Teṣaṛwa-yas timaṛẓuga

A lwaḥid war nesεi gma-s

Taṛwiḥt ar ɣuṛe-k in-tuɣwas

Ḥudd-aɣ war nezmir-ara___Y/S

Tuksa ufus

Wi id d-iksen afus di ṛebbi

Ad d-iṛwu tikli

Ɣuṛ lecyax d-idarwicen

Ad d-iṭcukku di kulci

Niya war ṭisɛi

Akken it-xḍem-ḍ maci akken

Axxam-is yezga yarwi

Lahna war telli

Amzun zedɣent cwatten___Y/S

Ayen yuran

Nnan ayen ur d-narni

D-abrid ur d-yufi

Ar ɣuṛ-k mur d-isteqsa

Nek lahmum ḥamlen-iyi

Ṭasen-d ar ɣuṛi

Gellun-d s tmaṛẓuga

Ur ḥṣiɣ yura w-ayagi

Neɣ d-amdan icuḥen-iyi

Wissen ansi id tekka tyita

A ṛebbi keč d lqawi

Cṛaɛ-ik d-aḥeqqi

Ḥakmed gari d- at-tlufa___Y/S

At tlufa

Nnan ayen ur d-narni

D-abrid ur d-yufi

Ar ɣuṛ-k mur d-isteqsa

Nek lahmum ḥamlen-iyi

Ṭasend ar ɣuṛi

Gellun-d s tmaṛẓuga

Ur ḥṣiɣ yura w-ayagi

Neɣ d-amdan icuḥen-iyi

Wissen ansi id tekka tyita

A ṛebbi keč d lqawi

Cṛaɛ-ik d-aḥeqqi

Ḥakmed gari d- at-tlufa___Y/S

Tixbulla

Win ig xedmen di tlufa

Yaṛju tagara

S-aqaṛṛu-s ad zzit yibb-ass

Lekteb yuɣal d cṭṭaṛa

Tirrugza tekfa

Amdan yrab-as lssas

Lketṛa n laɛbad assa

Ɛacqen tixbulla

Degsent i qedcen yal ass

Ddu akken id ak yahwa

Ɣas ur yelli din kra

Ad snulfun deg-k timenqas

Am win ur n-stebnin-ara

Mellaḥ-as s lketṛa

Ɣuṛes neṭṭa d-amessas___Y/S

Lḥif

Yeṭɣiḍ win ig g-wet lḥif

Tarra-t ddunit di rrif

Sɛan-t akk medden d ccɣel

Yecba wi yhuba-n asif

Ma yeqqim yesḥissif

Ma yezgar yekukra ad yaḥṣel

Yesɛa yir zhsṛ d-ukrif

Anda it-yarra kifkif

D-aɛeggun yegguma ad d-isel___Y/S

Zzwayel

Asefru-agi i zzwayel

Yeččuṛ-n d ddɣel

Wid ig smenciṛen felli

yif-ik-n llufan laɛqel

Ur n-heddaṛ ur n-sel

Siwa asuɣu d-imetti

Tṛuḥ lefhama-nwen d-asfel

Allaɣ-nwen yarkel

Di qaqqaḥ ywet s tenzi

I wen ilaqen d-arkel

Ar w-akrum akkun yenzey

Ṣwab ahat ak-nid yali___Y/S

Akellef

Kulfa-ɣ rebbi ig ɛaymen

Neṭa yeẓṛa-ten

Widak yeṭaru-n felli

Baɛden neɣ wid ig qaṛben

Nek ɛennaɣ-as-ten

Tasa-w maci ad targagi

Yḥan neɣ bɣun azyen

D w-anda qesden

D-amkan gi tufeg a teɣli___Y/S

Andaṛ

Ur d yeqqim degnaɣ laɛqel

Allaɣ yembbawel

Intas a medden ybeḥḥaṛ

Ur narbiḥ baṛṛa daxel

Wid-an fi n-ṭkel

D nitni id yezwaren ar lɛaṛ

Aṛṛuḥ a t-fka-ɣ d-asfel

Ur rebbi ad di-ɣiwel

Ɣited lɛebd-ik yendaṛ___Y/S

Imetti

Yella imetti lmut

Yella imetti lbattel

Yiwen yṣṣiṛẓig lqut

Wayeḍ yessufuɣ laɛqel

Ma d yir aṣḥib ɣas nfut

D-awḥid axiṛ-ak kemmel___Y/S

Lexliqa

Ṣubḥan-k allah a yiwen

Id xleq-ḍ akk yewzen

Ala win mi t-xaṛ-b nniya

D yir laɛbad ig heḍṛen

Am y-iḍan sseglafen

Dayagi i sɛan d lḥirfa

A y-ul-iw hennik seg-sen

D leqdaṛ ur tesnen

D wid ig t-ṭṭen di lḥaṛma

Am nutni aṭṭas ig fetnen

D yir attan uḍnen

Am jǧiḍ wa ynetteḍ wa

Ṭ-bini-n deg g-allen-nsen

 D-imnafqen xebten

Siwa ddnub d ssiya

Ṛebbi m-ad yelhu yidsen

D yir ass fellasen

Ur seɛɛun-ara imḥadda____Y/S

Yal lhedṛa

Yal lhedṛa tesɛa bab-is

Mara ad yelli imi-s

At-ẓaṛ-ḍ d menhu ig g-lla

Wa yezzuzur di tmusni-s

Yenfaɛ atmaten-is

Am win yeswayen tara

Wa yessexlaḍ di tikti-s

Yeshetrif yiles-is 

Deg ayen ur nesɛi lmaɛna

Ddunit akka id lsas-is

T-ssemgarad arraw-is

Yal wa d lḥaǧa is tefka___Y/S

Lebni n ẓẓuṛ

A tamurt yebna-n s ljuṛ

T-ketaṛ-ḍ felli ẓẓuṛ

Almi ur d id ǧi-ḍ aḥvbib

Lhem ɣuṛi id d-iṭcaṛcuṛ

Iẓri-w yeţqudduṛ

Zgiɣ tesbabb-ḍ-iyi lɛib

Ur d-cqi-ɣ di yir lahḍuṛ

D ddnub yugaren lebḥuṛ

Laḥsab-im ur ṛebbi qṛib___Y/S

Lɣɣuṛba

Ma t-ɣill-ḍ t-shel lɣɣuṛba

Ṛuḥ qaṛaɛ asif di ccetwa

Aṭ-ẓeṛ-ḍ m-ad ak-yawi

Neɣ lebḥaṛ ur n-sɛi lqa

M-ad d-ihaj yarfa

Amek i refed-t lemwaji

Kifkif anagi t-tmura

Alma taṛwi-ḍ lmarta

Fella-k d w-amek ad tefrari___Y/S

Lekteb

A win di lekteb yefḥel

T-ɣill-ḍ ṛebbi d lɣafel

D-aɛeẓẓug war yeṭwali

Yunef-ak tzarɛeḍ lbaṭṭel

T-jarred t-kmel

Lwaɛd-is akken ad yili

Yesbabb-ak-t-t d laḥmel

Fella-k m-id yenɣel

Yewwet-ik taṛẓeḍ qeṣutti___Y/S

Zik-nni

Zik ass-fi tella lḥaṛma

Leqdaṛ d lḥaṛma

Ddunit ḥlaw w-amɛic-is

Timɣaṛin n lvaṛaka

S cwitt n nniya

Arnu lemlaḥ deg ufus-is

Lɛabd ma yuḍen dda

S kra n ddaɛa

Ad tawi ccfa i bab-is

Ma tura ɛummen tteba

Ttjaren s ṣeḥḥa

Amuḍin yenza y-ixef-is___Y/S

Azzenz

T-zzenz-ḍ amgud s w-aḥṛiq

T-bedel-ḍ tideṭ s-ixaṛṛiq

T-ɣill-ḍ am keč ḥed war yella

Ddunit am targit d-icaṛṛiq

Rebḥ-is d-aɛewwiq

Muḥal war t-ṭdum ara

Ṛebbi ur yqebbel ṭnifiq

Win is-igan acqiq

Lǧaza-s d lǧahennama___Y/S

Iseggasen

Xas aseggas ig ɛeddan

Dɣa win id yarnan

Ma yebbid yides asirem

Ur n-zmir an-beddel iɣ yuran

D ṣbaṛ kan id aɣ yecqan

Lamra yibbass aṭ-ṣeggem

Sima ṭ-ɛaddin w-ussan

Di lɛumuṛ-nnaɣ ččan

S lmut akk aɣ textem

Ṭxilek allah aṛṛaḥman

A bab n laḥsan

Tebtaɣ af ccada assen___Y/S

N-waḥḥed ṛebbi

N-waḥḥed ṛebbi deg ufṛux

Mi ywet s y-ifer yɛella

Nekkni ddunit-nnaɣ tṛuḥ

Ur nexdim deg-s nnfa

Leǧnas sselmaden amecttuḥ

Nekkni ncab di lqil w-lqa

Ad yenɛel ṛebbi at y-imi yfuḥ

S kra ig kesven iles d ṭarka

Argaz segsen ur yeṭnuḥ

Tifit tirrugza lalla

Ncallah a di faṛṛej an-ṛuḥ

An-beddel tamurt lebda

Ur n-ṭemlil di lfuṛuḥ

Ur nteṭ yidsen nnaɛma___Y/S

Allah iḥed

Allah iḥed a yatma

Am win i f-id teɣma

Ygar aḍaṛ-is deg annar

Cbiɣ afṛux di cetwa

Di lɛec taṛẓa nnda

Ur yezmir ad yeffarfar

Wissen d lmektub yura

Neɣ d-aḥessad yenwa

Deg ubrid iɣ yeṭi amrar___Y/S

Asfel

Tefka-yi ddunit d-asfel

I laɛbad temmel

T-ssahey-asen abrid ar ɣuṛi

Mmezya-ɣ s-ujenwi lbattel

Lḥaṛma-w t-ssaḥel

Tazuyiɣt ssuken-iyi

Ula d wid nni nḥammel

Ula ayɣaṛ neṭkel

Ud nitni ṭekkin dgi

Siwa keč allah a lkamel

Ɣas tɛamdeḍ i ssafel

 Lḥikma tugaṛeḍ-iyi

Qebla-ɣ lebḥaṛ ad yenfel

Asif ad yaḥmel

Wala ad ṣaḥba-ɣ ahudi

Tefkiḍ-id ṣvaṛ d-abdel

Ɣas čiɣt d-asgel

D-aṛḍa-k i fi n-ṭnadi___Y/S

Qeḍṛan

Qeḍṛan ẓiḍ messus lemlaḥ

Akka id d-ibarraḥ

W-agraw yzarɛen lekteb

Yal win yellan d ttayaḥ

Yenwa d lfalaḥ

Af amdan mi id d-iskiddib

Ziɣ wi sɛan ul d lqasaḥ

S y-iles-is yjarraḥ

Deg win ur nelli yedneb

Wekkelaɣ kken i bab llelwaḥ

D-aṛṛay nwen a ti-jeyyaḥ

Ddunit fellawen aṭ ṭ-iqleb___Y/S

Anafeq

Aqli nufqa-ɣ gar laɛṛuṛ

Yeṭḥibbin ccada n ẓẓuṛ

Xas weḥdi mebla aḥbib

Lḥif felli yeţqudduṛ

Iẓri-w yeţcaṛcuṛ

Urzeγ yentteḍ-iyi lεib

Ixef-iw fella-s d-anaɣuṛ

Kullci dgi yeqqur 

Ṣṣuṛa-w la t-ţrebrib

An-ṣvaṛ ad sahlen lumuṛ

A di feǧeǧ nnuṛ

Bb-agguṛ bb-ass lɛid

Ma tusad tmijalt tečuṛ

Fellaɣ ad kfun yir lahduṛ

Am win d-ilulen d-ajdid___Y/S

Yir zman

Zman-aggi d-imcebbel

Bnadem yahmel

Yeḍfaṛ abrid n levɣi-s

Qlilit yargazen at laɛqel

Yṛeznen s lekmel

Yefkan i tmeti azal-is

Ur sfuǧuɣen am zwayel

Ur qebblen ddel

Mkul wa yeqqim di leqdaṛ-is

Ig ttuqten d-at laɛjeb

Yeṭcebbiḥen i lekteb

Yeṭcukkun amdan di tili-s

Yeqwaṭ llah ɣaleb

Leqdaṛ yegrareb

Kulci yɛedda lḥed-is

Assa nḥas yuɣal d dheb

Lexdaɛ askiddeb

Yarwi-ṭ bnadem iman-is___Y/S

Tamurt icaṛfan

N-kker-d di tmurt icaṛfan

Narfed ttbiɛa gg-ilfan

Ulac leqdaṛ garanaɣ

N-ṭnaɣ af tliwa iɣeẓṛan

Leɣwabi akk d-iḥaṛqan

Amakken aten-nawi yidnaɣ

N-ṭemɛassa am izarman

N-ṭembuddu qeḍran

Awid kan gma atifa-ɣ

Neṭṭu ddunit-aggi d lfan

I w-acu iɣɣeblan

Imi deg-s anffaɣ

Ṣadaqa uṣuṛdi yefyan

Ẓẓayet di lmizan

Tif win ig-sedken awṛaɣ

Ṭxilek allah aṛaḥman

Ɣitaɣd s laḥsan

Ay zizdeg-n ulawen-naɣ___Y/S

Yimin

Graɣ-d yimin yṣeḥḥan

Af laɛbad imaɛfan

Ur ten-saɛɛu-ɣ d ṣṣuḥva

Irgazen widan yelhan

Yekfaten zman

Yal wa d-akken d is-teḍṛa

Nulfand wid ur yṭuṛebban

Ṭbarizen am y-ilfan

Ɣettlen ẓẓaṛb i lḥaṛma

D daɛwessu m-id stufan

Hemjen am y-iḍan

Sseglafen mebla lmaɛna

Aḥlil di bnadem ur nuksan

Ma bbint-id di nnican

Atenɣen mebla sseba

D wa id lexxaṛ n zman

Lxayen muman

Wi lhan arran-t d cmata___Y/S

Iziker

M-id yusa iziker si ccaṛq

Yebbiyaɣ-d taktabt lḥaq

N-ɣil d bu tideṭ yeṣfa

Yezewar-d awal yenttaq

Tagmaṭ yidwen d ṭufaq

Aṭ-nebnu-t xawa xawa

Af larbaḥ mi yfuǧ yaɛwaq

Ar daxel ul-is yaḥṛaq

Yeften yesker lgirra

Yesmaḥ di ddin uxellaq

Yekkfaṛ yuɣal d lfasaq

Yfettu akken is-yahwa

Tamazɣa yenfeḍ-it s-axxnaq

D laṣel-is i fi ywufaq

Yɣellet igenni lqaɛa

Tata ar daxel taḥṛaq

Ul ar ay-ḥeddaq

D leqṛun ma drus aya

Ur nezmir ad d-nini lḥaq

Mi nekker ad nenttaq

Ad d-aɣ-rren ṣṛima

A y-ajebbaṛ a lxalaq

Ur ɣeṭaǧa naɛwaq

Ar ɣuṛ-k i llat tsura___Y/S

Aɛaṛṛeb

Ass-fi tamurt t-ṭwaɛaṛṛeb

Di maṣaṛ id tekteb

Ar ǧamal d w-akraren-is

Uran-ṭ s tira n ddheb

Gan-ṭ-id di lqayeb

Di dustur yres y-issem-is

Bbin-d i w-agdud lekteb

Am lḥarz yura ttaleb

Yɛelleq w-ungif s-amgaṛḍ-is

Izem id yekren yḥuṛeb

Yarra iw-aɛdaw nggeb

Tagara ykkelex-as y-iffis

Assa tamurt t-ṭwaqleb

Kullec deg-s yexṛeb

Yeṭɣiḍ wi fkan idamen-is

Win ig-zemren yetɣɣaṛeb

Wayeḍ allah ɣaleb

Yeggra-d ytezzem imani-s

Xas fellaɣ akka texṛeb

Tegguma aṭ-ṣweb

Yibbass ad teqqel ar laṣel-is___Y/S

Lahmum

Ma fella-k ketṛen lahmum

Amɛic yuɣal-ak d-amcum

Ṭagmaṭ ig-wet iceqqiq

Ma fella-k medden akk ḥakkun

Aḥṣu d yir lqqum

Fellasen ur ḥažen ur ṭxiq

Ma lebḥar-ik ɣezzif i lɛum

Accema ur yeṭdum

Ittij yeṭɣab yeṭcaṛiq___Y/S

Tidyanin

Nnan ig ɛeddan yfut

Ig futen yemmut

Wi mmuten war d-iṭuɣal

Ccaṛ mi it-nexdem nṭu-t

Deg g-ayen ndir nessuhut

Naɛceq di sfaha bb-awal

Ttaṛ am ttaɛm llahyuf

Bnin iw mencuf

Aṛẓag f mmis llaḥlal

Limer d-iɣ yezdiɣ lxxuf

Ad neṭmekti lmut

Aẓkka d-axxam llahwal___Y/S

Ddaɛwa lxiṛ

An-ɛeni an-dɛu i ymuḍan

Anda yakk i llan

Ad yekfu lhem fellasen

Ɣas d yir lahlak yaɛṣan

Yugar wid yeɣṛan

Maci dayen mi zemren

Ṛebbi ig xelqen lekwan

S tmusni d lmizan

Lumuṛ ar ɣuṛ-s sahlen

Ṭxilek a bab llaḥsan

Sselhu-yasen ussan

Ad tarzu tezmart ɣuṛsen___Y/S

Laɛbad d leṣnaf

Laɛbad d leṣnaf i zdan

Wa d yaḥyu wa d-aqaṛḥan

Wa d lexṛif wa d-akaṛmus

Yella uɛeggun d-amelḥan

Am lemlaḥ di ttɛam

Ma ulac-it llenna txuṣ

Wayeḍ ṭawenza imaɛfan

Yecba ccittan

Ma t-mugṛett-d d-amenḥus

Ccɣel-is d-iɣimi gg-vardan

Yeṭɛassa anwa ig-ɛeddan

As d-yexyaq laɛyub ammus

Di tmazirt yga amkan

Yugar lqebttan

Neɣ lqayed bu baṛnus

Ṭmenniɣ lmut d-iɛeddan

At-tenneḍ am iḍumman

Ammin ig-ksen ssus___Y/S

Abɛaḍ

Abɛaḍ yekseb lekmal

Ig menna at yennal

Ar ɣuṛ-s ṣegmen w-ussan

Wayeḍ meskin yeṭazzal

Af tileqqimt n laḥlal

Yezga yeṭnaɣ d w-urfan

Ma win iw mi ṛqiq lḥal

Lxuf ɣuṛ-s id yeṭmal

Yetbarra deg-s laman

Ddunit d-ayla at ccwal

At lahna qqlal

Am y-ittij yɣum leɣmam

Tideṭ ɣas d ṣfa bb-awal

Yuggaṛ-iṭ lekteb tickal

Leɣdaṛ d-ajenwi imaɛfan

Win ur n-ẓẓaṛṛeb s w-uzzal

Ɣas yaṛju lmuḥal

Yibb-ass ad ẓeḍmen yilfan___Y/S

Lqqum

Meyez-ɣ di lqqum n tura

D win taɛmaṛ lhedṛa

Am umaxlul i yeshetrif

Deg g-allaɣ-is tsaɣ lebla

D bu lqella llaḥya

Yexḍa i leqdeṛ d nnif

Yeṭɛawad lahduṛ ula

Deg ayen ur yeẓṛa

Yesseglaf am qjun lḥif

Imi-s ma yebdu asqaqa

S dnub d ssiya

Yugar lḥemya bb-asif

Yaɛceq di lqil w lqa

Yteṭ di lḥaṛma

Ar ɣuṛeṣ ẓiḍ am lexṛif

A ṛebbi a bab n lqqeḍṛa

Win id d-ahdid yenja

Ṛeẓqaɣ lahdiya bb-uḍṛif___Y/S

Ḥkiɣ-ak

A win a ḍelqen af lluḥ

Ass-mi ak k-iffaɣ ṛṛuḥ

Acu ataf-ḍ deg ẓekka

Ḥkiɣ-ak sser d-amecttuḥ

Weṣṣaɣ-k ur t-ṭbuḥ

Teṣṣaɣeḍ dgi ttmana

Ziɣen kečini d bu lḥuḥ

Tessufeɣ-tt iṛuḥ

Yakk iẓur-d timura___Y/S

Dda sliman

Mekta-ɣ-d sliman yecna

S tmedyazt teṣfa

Yugar wi ɣṛan di lakkul

Teṭak i nnefs ṛṛaḥa

Wi helken yaḥla

Tṭekkes laḥzen af w-ul

Tura ula d menwala

S w-awal yaḥfa

Akyini xdem-aɣ lmul

               *****

Yecna af tmurt iɣ-deǧan

D wayen akk it-yarḥan

D sebba it-yenfan yṛuḥ

Yecna f lbattel abarkan

I xedem-n imaɛfan

Af umeqqṛan d-umecttuḥ

Yecna f lɣɣuṛba m lemḥan

D w-iɣ dujwen w-ussan

Deg g-ass m-id nefaɣ di dduḥ

                 *****

Assa tarkel yal d ccetla

Wa ur yaɛqil wa

Yexḍel lekteb d lmaɛqqul

Uɣ tenfiɛ leqṛaya i neɣṛa

Imi leǧnas maṛṛa

Ifen-aɣ a nngeṛ-ik a y-ul

Lmut it yebbin lamra

S laɛwayaṛ akk tegla

Ibi ur yeṭuɣal d lful

              *****

Assa lebɣi-nnaɣ d-acut

Lahna aṭ-id naḥyut

Af tmurt ad d-ikfu ccaṛ

Yal wa at-id yali ṣṣut

Tideṭ aṭ-id naḥkku-t

Lezzayar aṭ-ǧuǧeg am lefnaṛ

Neṣṣawaḍ-as laɛfu s ṭbut

Muḥal at neṭut

Lemɛani d lemtul muqqaṛ___Y/S

Zman n tkaɛrir

Aqla-ɣ di zman n tkaɛrir

Win mi it-xedme-ḍ lxiṛ

Ak-yenkeṛ ula di lḥaq-ik

Amdan yekcem-it lḥir

Kulec-is s w-amḥzwir

Ma tɣefleḍ yedda lqec-ik

Nteṭu lmut d nnakiṛ

Hah kan am ttiṛ

Ak-teddem ad d-ǧeḍ cci-k___Y/S

Tarwi tebbarwi

Tarwi tebbarwi

Yegguma ad yeḍhaṛ y-ixef-is

Wihin neɣ waggi

Yal wa yneddev af ẓhaṛ-is

Ziɣenna ddunit tarki

Nekkni neṭnadi af y-ixef-is

Taylut n lxawi

Ah a taylut n lxawi

Ṭcuffuḍ kan deg man-im

Ikem yečuṛen d-abaḥri

I si yeṭzuxu y-imi-m

Ẓaṛtiyi-d a medden aqli

Taṛni-ḍ lekteb a llexeṛ-im

Tenwi-ḍ leqdaṛ d-aṣuṛdi

Akka im-yella di ṭexmim

Fella-s i tebni-ḍ kkulci

Lukan daggi an-qqim

Teṭu-ḍ rdunit d lfani

Acema deg-s ur d-iṭɣim

Wi bɣan d-aḥqqi ad yili

Maci s-uḥeggef ṭ-ismin

Wi bɣan ad yeḍfaṛ nnvi

Ad yexḍu i tcittanin

Wi bɣan ad yarbaḥ ṛebbi

Yaɛdel tasɣaṛt-is yeqqim___Y/S

Yir aɛbbuḍ

Aɛbbuḍ-agi d-ackkaṛ

Yeṣṣaṛway lemṛaṛ

Win i ti-tebɛen yenza

Ybeqqu larbaḥ s lxetyaṛ

War yesɛi leqṛaṛ

Am lbir ur nesɛi lqa

D neṭṭa id sebba leḍṛaṛ

Yesseɣḍay leqdaṛ

Yekkes gar medden leḥya___Y/S

Adabu tmettut

Adabu tmettut yuɛaṛ

Teɣleb lɛeskaṛ

 Laḥkem-is yugar laɛdem

Arnu adrim ma yektaṛ

Teṭṭuɣal teqhaṛ

Ulac ameyez axemem

Sima lebɣi-s meqqaṛ

Ur tesɛi aciwaṛ

Akken is-yahwa it-xeddem___Y/S

Akal

Yebbi-yi-d ṛebbi di lemnam

Bedda-ɣ deg amkan

Am akken zman ybeddel

Ḍḥiɣ-d di tmurt ifargan

D-akal imawlan

D-imezwura d laṣel

Annect is-garzen w-ussan

D ljennet yefsan

Ass-fi ṭ-ixddem lefḥel

Tesɛa tiregwa bb-aman

Tifarkiwin d yegran

Tiẓegwa akk d swaḥel

Deg g-ass d-ittij icaṛqan

Deg g-iḍ tiziri d yetran

Ṣḥari idurar illel

Ass-fi id d-iqeddaṛ lawan

Bdan-d yenkecman

Am win id d-ibbeḍ lajel

Deg g-zal id ẓeḍmen yilfan

Ččan id d-ufan

Ass-agi ṛahnen-ṭ kamel___Y/S

Ṛemḍan

Yal ma ad d-yas ṛemḍan

S wid akk it t-iṛjan

N-ṣṣaweḍ lḥemd i ṛebbi

Aggur n nnuṛ d leqqṛan

N-ḍuɛ-it n-ssaram

D lajeṛ i nebɣa ur ṛebbi

Mi nečča cwitt n ttɛam

As n-seggri aman

Leqniɛa tugar kulci

Cchaṛ kra bb-ussan kan

Xxzu-t ccittan

Wi sɛan ṣbaṛ d lɛali___Y/S

Aɣbel

Win yettfen aṛṛay yebges-as

Ccedda fella-s

Nekk ad ggri-ɣ di talwit

Ssuq maci kan yibbass

D-aɣɣbel n yall ass 

Ṣbaḥ akk ṭmeddit

Nekk ur ṭeki-ɣ di tirwas

Aḥlil a ṛebbi fella-s

A y-atma aṭṭa tcacit___Y/S

Lesrar

Lukan ad naḥku lesrar

Bnadem ad d-inxaṛ

Ad d-iṭɣil yebbeḍ-d lhul

Yir nniya ma tezwar

Lxiṛ ɣas yuzzar

Ṛebbi ur t-id d-iṭmuqul

Maci win yettfen amrar

Yezzit i w-adrar

Ad d-iṭɣil yecba aṛsul___Y/S

Lekteb

Lekteb yuruw-d lvattel

Lvattel d yir nnqey

Yir nnqey yeṭraḥ-d yfuḥa

Akeddab d yir actel

Yir actel yṭak-d zzbel

Zzbel d-aɛdaw ugama

Ay-akken nexdem naḥṣel

Ma yenger lɛaqel

Tenger ula ṭirrugza___Y/S

الموت

                            الموت كأس نشربه

                               ولا يفر منه أحد

                          كلنا حائرون ننتضره

                      كل يوم في الوقت نعد

                         فالموت ليست نهايته

                         بل حياة اخرى توجد

                         و كل من عليها يهلكه

             ولا يبقى إلا وجه الواحد الأحد

                     لموتانا في رحمته نساله

               Y/S__راجين في قبرها تغمد

Yir lxiṛ

Wi yexdem-nn lxir y-ayes-as

I lɛebd amessas

Ɣas ad yar tablatt af w-ul

Ddunit tqelleb yal ass

Mkul wa s nnuba-s

Ṛebbi yreffed yesrusuy

Anef kan i bu leqwas

Ad d-izux yibb-ass

Di tafsut ig-gzahu w-aɣyul___Y/S

Anwa

Anwa i yelha-n maṛṛa

Yal wa yxuṣ di kra

Ala ṛebbi id lkamel

Axxam iw-mi ɣli-t tejga

Sqef-is yaɛra

Ma yella bab-is yeɣfel

Akkeni id bu nniya

Ɣas yedda s ṣṣfa

Ad d-iwet deg-s w-aqqel

Lɛib d w-ur n-ṭkad-ara

Di medden yeṭɛassa

Neṭṭa di lxxubt-is yaḥṣel

Yṭṭaf di laɛbad ddwa

Si yteṭṭu timarka

Tid-ak it-yebbin d-asfel

Yeṭawi di wa ar wa

Yesmentag isufa

Neṭṭa times deg-s tecɛel___Y/S

At ttaṛ

At tizi ugar-n nnaṛ

Ččuṛ-en d ttaṛ

Yeṭɣiḍ wi ɣyin garasen

Allaɣ-nsen d-aɣbub n ccɛaṛ

Id d-izgan deg iɣẓaṛ

Leṣnan deg-s id d-iṭraḥen

Ma yaḥma ad d-iṣenttaṛ

Ma ṣemmeḍ ad d-iqqaṛ

D bu laɛyub yeṭaweḍ-n

Ṭɛamid-n i tukksa n leqdaṛ

Ḥemmey-n azkkaṛ

Ur d-clig-n d wi iḍuṛ-n

Nnif-nsen ḍyan-as lɛaṛ

D ddarya ucemmaṛ

Awid kan anwa a ssimes-n

Ssira-nsen d lkifaṛ

Siwa amekkaṛ

Maci d-ajdid ar ɣuṛes-n___Y/S

Asiwel

Bedd-aɣ di tizi sawel-aɣ

A zhaṛ-iw ɛuss-aɣ

Ṭxile-k arriyi-d awal

Mekken-aɣ lewhi-w ad-sel-aɣ

Lexyal ma at-freẓ-aɣ

Tamuɣli-w tebɛed mazal

A y-ixef-iw i fi nndeb-aɣ

Lmektub uṛja-ɣ

Urzan-t s lqid bb-uzzal

Aṛji-ɣ ad tefju felli

Ittij-iw ma ad d-yali

Igeni-w ma ad d-ifek tafat

Ɛuss-aɣ aggur n tiziri

Ad d-imuqqel ar ɣuṛi

Ay-id d-immel itri-w anida-t

Aṛji-ɣ yebḍ-d w-ass-nni

Teɣmemm-d akk felli

Aṛɛud lebṛaq ssiɛqat

Ṣṣbaṛ-aɣ ṣṣbaṛ n sidna yub

Rewel-aɣ af at ddnub

Qaṛeɣ-as ad ṛzen-nen yibb-ass

Ṣṣbaṛ-aɣ ṭ-ṛaǧu-ɣ laɛyud

Ad kfun lektub

Iqqum ur nesɛi tilas

Ṣṣbaṛ-aɣ i tṛuɣi useffud

Ljarḥ-iw yeṭenxuxud

Lhemm yessawal i gma-s___Y/S

Amdan yuɣal d-aqqel

Ṣubḥan-k allah a yiwen

Di ddunit acu id yeqqimen

Imi amdan yuɣal d-aqqel

Ur wahhem deg-kenuren

Fella-k ma tkebren

D ṛebbi ig-ṭɛuzzun yeṭdel

Tɛaǧeb di wid ṛebbi yaṛẓeq-iten

S ttjaṛa yḥellen

Rennun-as laḥṛam yexḍel___Y/S

Ass amcum

Ass-fi id lule-ɣ d-ass amcum

Yidi id bbi-ɣ lahmum

Jarden-iyi-d di twenza

Ɣyiɣ-d s-irebbi n ccum

Ddra-ɣ d-amaḥzun

Tḥuzayi yal ṭiyita

A ṛṛay-iw ay-ameɣbun

Di ssin ṛqana-ɣ aldun

Nefsi ma d ẓẓhaṛ yefna

Ass makken d ṛebbi yḥun

Lumuṛ akk teddun

Lmektub anda ddi-ɣ yella

Xedma-ɣ ṭawiɣ-d aɣṛum

Lxir yezga yɛum

Deg axxam lahna wṛaḥa

Tura mi ig-qeddaṛ lmaḥṭum

Felli anwa ay-run

Siwa at ṛebbi d lawliya

Lukan uli-w d lmaḥkum

As-bnu-ɣ ddum

Ad ɣelqa-ɣ fella-s lebda

Neɣ lukan-it d-agettum

At-gar-ɣ daxel lkanun

Ad yaṛɣ u ṭḥulfu-ɣ ara

Imi ar ṣṣuṛa-w ig-ḍum

Ilaq as-d-afa-ɣ nnum

Akken ur di yeṣḍan-ara___Y/S

Tamazɣa

Nek ṭamazɣa di laṣel

Dgi fṛeẓ muqqel

D nek ur beddel-ɣ ara

Xas akka cbaḥa-w tekmel

S idurar akk d swaḥel

D idflawen d lahwa

Felli tudert at reggel

Anda rriɣ tarkel

Ula d yir ẓhaṛ yarna___Y/S

Aɣeddaṛ

Aɣddaṛ ur yrebbaḥ

Akka id yura di lelwaḥ

Deg awal ṛebbi id yedda

Ma yukker yezha yfṛaḥ

Ahat ad yeṭɣil yeflaḥ

Am neṭṭa ḥed war yeɣna

Lukan dduwla tẓeddaḥ

Maci ad as tsarraḥ

Ad yekcem lḥevs lebda

Iw-udemi-s yeḍla qaqqaḥ

Si lebɛid id yeṭraḥ

Ur yelli d bab n trugza

La laḥṛam am ttayaḥ

Yugar aseffaḥ

Yneqq timegṛaḍ maṛtaḥ

Yibb-ass ad d-ibin ṣṣaḥ

Assen illu at-id yefḍaḥ

Ur yeṭṭaf ḥed d-amcafa___Y/S

Ul amaɛlal

A y-ul-iw a y-amaɛlal

Ɣas ǧi-k di yir laṛṛaṣ

Smaḥsis-ḍ i lhedṛa gg-iɣyal

Tarni-ḍ asḥissef kul ass

Tṛuḥ-asen akk d lqil w lqal

 Xas dren cvan ṛṛxaṣ

Ṭcebiḥen i lbattel s w-awal

Ṭemsifen ddheb s nnḥas

D cmayet ɛecqen di cwal

Lḥarma hudden-as lsas

Lamra ur stentgi-ḍ azal

I leqdaṛ-ik aṭ-geḍ tilas___Y/S

Asaḥseb bb-ul

Win yesḥesben s w-ul-is

Yesgujel ṛṛay-is

Yeggra-d d-ameɣbun yeṭɣiḍ

Win mi tura deg anyir-is

Taɛkes af ẓẓhaṛ-is

Mi yekker at-id-yar lḥiḍ

Ɣas ṭafsut yfsa lwaṛd-is

Ittij s nnuṛ-is

Fella-s yugi ad yekfu y-iḍ___Y/S

Tajmimt

Ma f bab-is tajmimt tektay

Ur t-id ṭarra-t tnektay

Ur yelli d-ass n lḥeṣṛa

Ur t-xeddem-t ṭaggniṭ n ccway

Ṭṭu-t akk tifukay

Aṛṛuḥ-is yaḥtaǧ lahna

Ddunit am tsaɛeṭ uzay

Win fi yɛedda uzayay

Hah kan akud-is yekfa___Y/S

Luɛaṛa

Nekkni s leqbayel nuɛaṛ

Si zik-nnaɣ d-akka-ggi

S yimi neɣleb imqaṛqaṛ

N-sweɣwiɣ lmaɛna ur telli

Ilesawen-nnaɣ d-icuqaṛ

Nekkat tirrugza tɣelli____Y/S

Lmut

Mi sli-ɣ s tizya-w temmut

Aṛẓag deg imi lqqut

Uggad-ɣ ula d nekki-ni

Twelha-ɣ a laɛmaṛ-iw yfut

Ammin yečča-n ṭṭut

Ṛeɣba-ɣ ddunit tebbiyi

Ur ẓẓula-ɣ ur ṣedqa-ɣ taṛbut

Ṭṭu-ɣ ziɣ tella lmut

Ad-tas nnuva ay-tawi___Y/S

نور القلب

                  يا نور القلب يا خالق الأكوان

            يا صحبة الدرب عند شدة المحان

        و حبك العذب قد فاض في الوجدان

                   

         أنت الرجاء في حياتي وأنت الأمان

          أنت الدليل في دربي وأنت الحنان

             أنت الشفاء لجرحي وأنت العنان

             أنت النجاة لروحي في كل مكان

             أنت السكينة لقلبي في كل زمان

  فلك الثناء وشكري يا ذا الجلال و الاكرام       ____Y/S

Ssmaḥ

Wi hedṛen fella-ɣ ssmaḥ

Ulamma deg g-ul neqṛaḥ

Akka fella-ɣ ig qeddaṛ

Yibbass ad hubben laryaḥ

An-leqqem lefṛaḥ

Ad yefk lwaṛd d-imnewaṛ

Assen ad d-arzun leṣlaḥ

Lxattaṛ ad yennecraḥ

F tfekka an-zwi aɣebbar

Ɣas akka taggnit teqsaḥ

Lbal-nnaɣ martaḥ

Ṛebbi afus-is meqqaṛ

Ur n-ttammaɛ larbayaḥ

Ttɛam ma ymellaḥ

Ṭin i ṭamɛict llisar

Ddunit-aggi am zzaḥ

Hah kan d lmaṛwaḥ

Ɣas wi ddren teɣɣzi llaɛmaṛ___Y/S

Lxiṛ yetbaɛ w-awal

Nnan lxiṛ yetbaɛ w-awal

Yeṭṭawi-d ccwal

Win ur tnexdim axiṛ

Ammin yeččan ṛaṣ-lmal

Dacu d-is mazal

Ala lǧib-is yeṭṣeffiṛ

Ṛebbi ur yeskar azal

I lɛebd war nuklal

Ɣas at-yeɣnu d lfaqir

               ---------

Ddunit-agi t-ṭkellix

Ma tekkes-ak d-amxix

Ma tefka-yak d-aselqqeḍ

Ay-akken telli-ḍ d-abvix

Ammin yebbi ssix

Ur tezri-ḍ anda ak-yenfeḍ

Tudert amzun d tarix

Yuran s w-umyix

Amdan deg-s yḥeffeḍ___Y/S

Leqdaṛ

Aqla-ɣ di chaṛ n ṛemḍan

Leqdaṛ-is d-ameqqṛan

Fella-wen ad wekklaɣ ṛebbi

Txelqem-d dgi ur yellan

Tseglaf-m am y-iḍan

Ṭ-barriḥ-m i medden felli

Ad yuɣal ad-yas lawan

Assen kulci ad-ivan

Ma d kunwi neɣ d nekini

              ----------

Nek yid-wen kulci yekfa

Ur d teǧi-m kra

Tenɣa-m kullec gara-naɣ

Lefraq yid-wen labbudda

Awen-tid-iniɣ assa

Attas-aya iwen-ṣebaṛ-aɣ

Abaɛed fella-wen d ddwa

Aqaṛṛu-w yaḥtaj lahna

Ɣas maci dayen menna-ɣ___Y/S

Awekkel

Wekkl-aɣ-ken i sidi ṛebbi

Yaɛlem s kkulci

Am neṭṭa ulac axiṛ

Rrebrab lmut ad teɣli

S-ujemmal aṭṭawi

Akken t-ṣegged am ttiṛ

Ɣas ma t-qesed-m lwali

Ccfaɛa ur telli

Ṛebbi yeṭaru yeṭqeddiṛ___Y/S

Tamɣaṛt

Ufiɣ-d tamyaṛt tɣebben

Teṭawi-d deg cewwiqen

Iẓri-s yeɣleb laḥmali

Isefra-s dayen lqayen

Deg w-ul id tefɣen

Gellun-d s ccuq d imeṭṭi

Luɛaɣ-ṭ a tamyaṛt ayen

Akka w-udem-im yaḥzen

Amzun d-isigna lyali

I mmi aɛyiɣ deg siwel

Yegguma ad d-isel

Yesɛuẓẓeg yetbaɛ lebɣi-s

Yufa-d sebba yaṛwel

Yennejla yahmel

Yeǧǧa tamurt n jeddi-s

Di tmura medden yenṣel

Ɛebban-as laḥmel

Annaɣ i siga ṛṛay-is____Y/S

Levɣi

Wi bɣan ad d yezger asif

Ɣas akken yeskefkif

Yẓaṛ kan anda a yaɛfes

Wi ɛezmen ad yekkes lḥif

Yezwir deg ɣilif

Yekker makken aɛziz y-iḍeṣ

Wi ḍemɛen ad yečč adif

Am medden akk kifkif

Ilaq-as ad yaṛẓ iɣes___Y/S

Ṭuba

Ṭuba win iṭ-yebɣan

Yeqsed imeɣban

Ar ɣuṛsen a ṭ-id yelwi

Ṭina id ttaɛa yṣeḥḥan

D-abrid llaḥsan

Lajeṛ-nsen yuggar kulci

Ma d-abeẓẓaɛ imelyan

Di ẓyaṛa lemqam

Ur d-imegger ur d-iṭawi___Y/S

Ssmaḥ

Yelha win yeṭṭsemiḥen

I wid i t-iḍelmen

Ɣas heddṛen d-ffir w-aɛrur

Tagara d Ṛebbi a yḥasben

Yeɛyem y-akk yissen

Ass-nni yum lḥucuṛ

Di ddunit bnadem a t-inefɛen

Siwa imi-s win it-yettfen

D wi xedmen lxiṛ iw maḥqur___Y/S

Lxiṛ n ṛebbi

Af ṛebbi yeshel kulci

Ysarraḥ-d i lxiṛ-is segmi

Nekkni s laɛbad nuyes

Lqaɛa zegzawet irkelli

Ula d ttejṛa tefsi

Id tefka di nnaɛma yne-s

A ṛebbi keč d-aḥnini

Ɛfuya-ɣ ma necceḍ neɣyi

Sakki-d wi ɣefyen yeṭṭes___Y/S

صفات القلب

                 يا ليت لي قلبا لا يدري الأذى

              ولا يرى في القرب غدرا قد حذا

                      الأَحبة والاقربين لنا كانوا

                   بالود لفوا بصدق قد وصلوا

                 فتبدل الحال وانكشف القناع

               وصار الود سما والصدق خداع

                       تبدو وجوه بالبسمة تلهج

               والخفايا في القلوب للشر تنتج

                 كم من صديق بالوعد قد ولى

                     ومن قريب بالغدر قد تلوى

                       هذا يبيعك لاجل مصلحة

                  وذاك يطعن في ظهرك بخسة

                في دنيا الغدر قل ان تجد وفيا

  وفي صحبة الاكذوب قل من يبقى صادقا

Lḥal bb-ul

Ata w-ul-iw yeqqbaṛ yeqqim

Yaɛya si ṭaxmim

Nɣant iɣeblan kullas

Lbattel yuɣ-d akk tudrin

Yfetti yeṭleqqim

Yefka-d ṣṣaba n tirwas

Luwqat katen ṭɛeddin

Di lahmum ṭsennin

Yal wa yegguni nnuba-s

Af uqaṛṛu-w i tezzin

Deg jifeṛ-iw ṭṭin

Am izarman s-suqqas

Waɛṛit laɛbad lemnafqin

Fella-k ma wehhin

Ẓhaṛ-ik ẓẓal fella-s

Siwa ṛebbi lɛalamin

Ma yejbeṛ-ik d-aḥnin

Ar akfut fella-k temḍellas

Sebḥanek allah a y-aḥkim

Neṣbaṛ d lesnin

Fellaɣ yugi ad yali w-ass___Y/S

القضاء و القدر

          يا قلب لا تخشى أمرا قد قضي

          فالله قد خط المصير وما خفي

               لن يصيبنا إلا ما كتب العلي

    في اللوح محفوظ لا خوف ولا نسى

           سلم أمرك للرحمن في كل حال

          وارض بما يأتي فذاك هو الكمال

        إن في القضاء خيرا يفوق الخيال

       ولعل في المنع عطاء يدوم ويطال

              يا نفس طيبي فالهموم زوال

         لا تحزني إن حل البؤس أو نكال

        قد خط ربنا ما سيأتينا في الحال

               لن يبلغ الضر إلا ما له مجال

          ثقي بمن خلق الأكوان والأجيال

          تدبيره لطف حتى وإن بدا ثقال

             سلمي الأمر للرحمن هو العال

          فالخير آت حتى لو طال المطال

___Y/S

Ankkaṛ n laṣel

I win ig nekṛen lejdud

Is yefsin leqyud

Ksent-id di ddel maḥqquṛ

Yesfenttiẓ yɛaw-d agdud

Issem-is lǧunud

Yugar aẓemeṛ amqaṛquṛ

Yal tamurt yekcem thud

D attan yeṭenfufud

Yečča azegzaw yeqquṛ

Yeggan yeṭɛeddi w-akud

Yeṭṛebi gg lexdud

Allaɣ-is yegres yeqquṛ

Yefcel yekfa dges w-afud

Ammin yeṣɛeq aṛṛɛud

Ɛaṛqen-as ula d lahḍuṛ

Annaɣ a ṛebbi lmaɛbud

Ma dakka id d-agdud

Axiṛ at-ččen lebḥuṛ ___Y/S

Ṭawḥid

Ddunit tebna af waḥed

Bexlaf Rebbi wlaḥed

D netta i d bab n txelqit

La ilah yis n-cahed

Numen s Muḥamed

D aṛasul i medden irkul-it

Wi qqimen waḥed-s yessaḥssb

Ur d-yexliq laɛǧeb

At yenju ass n twaɣit

Win s-ixedmen acrik yejḥed

Yekkfaṛ s lɣayeb

Ṛṛay-is imḍebber ykelex-it

Azekka ur yeṭlumu f ḥed

Zzat Rebbi ma yebded

A y-ẓar ḥed ma yfak-it___Y/S

La bohème version kabyle

Ak-d-aḥkuɣ af yiwen zman

Wid n tura ur d-cfan

Laɛbad zik amek i ṭ-ɛicin

Imdanen ḥfan ɛran

Tifexsiwin deg ggarzan

Ččan akkarfa d w-uclim

Ccetwa amek i ṭ-arnan

S uqeddaṛ akk d w-azdam

N igectumen ṭ-qecṛin

Ṣebṛen i taṛẓeg bb-ussan

Refden taɛkkemt lemḥan

Luwqat katen ṭɛeddin

Lecɣɣal d-akken d msennan

Yal wa amek is destufan

Am yargazen am tulawin

Tislit t-gguni axxam

Tamɣaṛt d-irebbi lufan

Irgazen fɣen ad-lwin

D-ggiḍ ar lkanun zdan

S tmucuha d yemɛan

Tettun aɣbel d ttexmim

          -----------------

Di lexṛif karzen zaṛɛen

Deg nebdu ssarwaten

Yečča ymay yefṛaḥ bab-is

Lɣella ma a ṭ-id-megren

Ṭmektayen-d wi lluẓen

S axxam a t-yaweḍ nṣib-is

Ameɣbun maca at-ḥegfen

Ṛebbi yḥarziten

Yal wa yburek-as di cci-s

Ḍefren abrid akk yiwen

Kif taḍsa kif laḥzen

Qaṛen-as mraḥba s tikci-s

Ur reffun ur tqelliqen

Akken is-end tusa akken

Ṛebbi yxeddem ccɣel-is

Am akken lweqat ḥebsen

Siwa ussan i g ṭazzalen

Tumeɣɣaṛ ad tebggen iman-is

D iseggasen ṭsarsiren

Ɣas win yṛuḥen

Waniḍen ad yettef amkan-is___Y/S

رب الجلال

                   يا رب الكـون و يا عظيم أنت

            في كل خلق وفي كل حسن حللتى

       نورك يغشى الوجود به كل شيء تجلى

          عظمة وجهك فوق الخيال قد اعتلى

                            ----------

             يا جواد ويا كريم فضلك لا يحص

   ترزق الطير في العش والنمل في الحصى

     لطفك يغمر القلوب وكم من بلوى أقصى

            رحمتك أوسع من كل أرض وفضى

                           -----------

     سبحان من أبدع النجوم وأجرى الأفلاكا

                 ومن أقام الجبال وثبت الأملاكا

      في كل آية من آياتك نرى حكما وإبداعا

       فالحمد والشكر يا لمن ليس كمثله شيئا

    Y/S___

Ttbaɛ n Tayri

Ɣas ur mazal meẓẓi-yeḍ

Am twaṛdeṭ teǧǧuǧǧeḍ

Af-udem-im sser yedhen

Ɣas tayri-nni n zik teṣfeḍ

Mi akem-waliɣ di lkaɣeḍ

Yečṛah lxateṛ-iw ɣuṛ-m

Ziɣ tayri ɣas teṭwanneḍ

Teṭṭajja-d ṛṛkeḍ

Am ttbaɛ deg ulawen

Am win d-ifɣen di lemnam

Nečba wid yurgan

Nḥemmel kan ad nemmekti

Ul-iw meskin d-aṛqiqan

Mazal di ṣṣifa-m

Am lemri deg-s yeṭṭwali

Ɣas akka d lesnin ɛeddan

Tayri-m i ti ḥuzan

Teǧǧa-d ṭṭabeɛ n ccwami

Assa am yiḍelli cfi-ɣ

Ɣas akken ur d-sbini-ɣ

Tebbeḍ-iyi tfidi s-iɣes

Yal ma ad mmekti-ɣ

Ayen akken akk iṛɣi-ɣ

Yečča-yi ujajiḥ n tmes

Ma tura ḥulfa-ɣ ɛyi-ɣ

Yeggra-y-id ad menni-ɣ

Felli zman m-ad yessifess___Y/S