Zwayel

Wi bɣa-n ad yili d lefḥel

Ad yaǧu lahna i y-ixef-is

Ur yṭɛanad zwayel

Ur ten iḥeṭeb ṭanudi-s

Annect yeshel lbaṭṭel

Annect ṛebbi d-axṣim-is___Y/S

Lfejɛa!

Lhem ɣuri id d-istufa

Ayen akk n-tɛedda

Mazal llan-t t-id yaɛṣa-n

Yuḍen mmi t-jreḥ tasa

Iẓṛ-iw am tala

Ul-iw yebḍa d-iḍaṛfan

Mi sli-ɣ t-frawes ṣṣuṛa

Teɣli-d arrahba

Yttellem felli w-axxam

A rebbi a bab lqqeḍṛa

Ar ɣur-k i nεenna

Ya ṛaḥim ya ṛaḥman

N-ḍelb-ikin s laεnaya

Naṛja ccafuεa

Ddwawi ar ɣuṛ-k i llan

Is budd-ɣ i mmi d ccfa

Seg fus-ik ddwa

Xas nekkni an-ṛuḥ d-iseflan__Y/S

Kfa-n yargazen ur nuklal

Kfa-n yargazen ur nuklal

Aggad mi yecbaḥ w-awal

Nuɣal akk ţilalatin

Ṣṣwab nnaɣ d-adarɣal

N-ḥekkem s lmuḥal

Naεceq di tid ur n-mεin

Yṛuḥ-aɣ wi yesεa-n azal

N-ttef di t-mcukkal

N-quvel abaḥri ttɣaltin___Y/S

Rebbi d bab laḥsan

Rebbi d bab laḥsan

Ass fi yexleq amdan

Yarra kulci deg g-fus-is

Win mi ṣegem-n w-ussan

D zhaṛ-is ig-nuda-n

Yṣṣaweḍ yebbeḍ lebɣi-s

Ma yecfa af-ayen ig-εeddan

Yaḥmed bab igennwan

Rebbi as d-irennu di lxiṛ-is

Ma dwin id yuǧw-n lemḥan

Yenddeb af ig-εedda-n

Kra d rebbi kra d-afus-is

Di ddunit yal wa is-yura-n

N-sεedda-y ussan

Ur yuksan ḥed iman-is___Y/S

Mi ɣill-aɣ

Mi ɣill-aɣ feɣ-aɣ-d di ddiq

Ad dyas iεewwiq

A y-id d-irgel tibbura

Yuɣal ṣbeṛ-iw ṛṛqiq

S ccna d-ucewwiq

I si zuzun-aɣ lmaḥna

Felli iṭṭij ur d-icṛiq

Ɛuss-aɣ-t am lxiq

Neṭṭa ziɣ ybeddel anda___Y/S

Weyya-k a lɛebd amessas

Weyya-k a lɛebd amessas

Baεed-ik f lweswas

T-xḍu-ḍ i tid n cwatten

Nfu deg qaṛṛu-k tirwas

T-ɛiweḍ-as lsas

Tili-ḍ s ggi-d imaεn-n

Siwa rebbi id d-aεessas

Lemḥasba d-ayla-s

Ma d kk-č ili-k d lmumen___Y/S

Yella rebbi d bu ţawil

Yella rebbi d bu ţawil

Iwumi yeţ-wekkil

Laṛẓaq i lεebd aḥeqqi

I keč a bnadem ur n-kmil

Amek it twekkel-ḍ lfil

Neţṭa ṭṭbaε-is d-awaḥci

Yečuṛ taxxamt-is d lkil

Yḥaṛṛem agelil

Yečča lḥeq uẓawali___Y/S

Zman-aggi d-abarwali

Zman-aggi d abarwali

Kulleci εinani

Lfuxa akk d ţyewyiw

ggul-ɣ ad lḥu-ɣ waḥdi

Ur beddel-aɣ tikli

Ala nekk d yiman-iw

Ma aṛw-iɣ ḥamd-aɣ ṛebbi

Ma xuṣṣ-aɣ ḥed ur y-iẓṛi

Fer-aɣ af medden laẓ-iw___Y/S

Ul-iw ysbeɣ-it w-agris

Ul-iw ysbeɣ-it w-agris

Ṣṣemeḍ-it idamen-is

S lǧessa-w ur yţ-ḥulfu

Ur d-ikka-t ur d-iţiṛqis

Yeẓẓel gg-amkan-is

Amzun d-ugures unbdu

Akka id win mi yzad lhem-is

M-ig-nuda f-yixef-is

Yufa dwa-s deg sefru___Y/S

A y-ammi xas sli-yi

A y-ammi xas sli-yi

Γas akka ur n-ɣṛi

D win yjaṛev-n ywala-n

Ddunit-aggi ţiḥaṛci

Ma ẓẓaṛv-ik yeɣli

Fellak ad ẓeḍem-n yilfan

Ur ţţak nuba i lɣaci

Ak-kellex-n s tiḥaṛci

Ur ssel i lhedṛa imaεfan

Awi abrid rrebbi

Ili-k d-aḥqqi

Neṭţa ak yenjeṛ ibardan

Ḍfaṛ abrid tmusni

Ccɣel-ik d-anadi

Yiss-k laɛbad a ẓaṛṛ-n

Ak t-ṣiweḍ a levɣi

A ṭuɣal-ḍ d-itri

Ar ɣuṛ-k medden akk cqa-n

Ur teṭṭu ṭkel af ṛebbi

D neṭṭa id kulleci

Yaɛlem ttaṛ w-ik tibɣa-n___Y/S

Allah a bab n t-xelqit

Allah a bab n t-xelqit

D-issem-ik nsuɣ-it

Γit-aɣ-d i w-udem-ik aḥnin

Ma t-εunḍ-ḍ-aɣ ţawaɣit

Nexṣaṛ tamddit

Fella-ɣ d ttlam ad d-iɣli-n

Ulawen-nneɣ qessiḥ-it

Si ddnub barrik-it

Ur yaεqil ḥed wayeḍ-ni-n

Win yuεa-n gma-s yččit

Ar lqaεa yenfeḍ-it

D neţa kan a yili-n

Ţxil-k aεfu-y-aɣ mahfuf-it

T-sexf-aɣ ddunit

N-teṭṭu lmut yṭawi-n____Y/S

A y-aqjun ḥarcaw y-iles-ik

A y-aqjun ḥarcaw y-iles-ik

Yugar iḥder ukaṛmus

A t-laḥen-ḍ deg mslayen-ik

T-kat-ḍ i medden naqus

T-giḍ-iyi amkan deg g-ul-ik

Amek i y-itaṛṛ-iḍ d ssus !?

Lbattel yedda d-uḍaṛ-ik

Anda tebbeḍ-ḍ ad d-iţustus

Nekk sli-ɣ-n i lahḍuṛ-ik

T-cebbeḥ-ḍ lekteb s w-ammus

Assa win ɣur εziz y-issem-ik

Inas ak-id yeẓḍ abarnus_____Y/S

Ur n-ẓṛi amek i t-bda

Ur n-ẓṛi amek i t-bda

Ur n-ẓṛi amek a t-kfu

Tagmaţ ybna-n f tḥila

Gar neyya d-uɣuṛu

Akken id nnan imezwura

Taqṣitt tuɣal d-asaru

Yiwen deg sirem yuṛǧa

Wayeḍ deg-s asirem yeţṛaǧu

Bu tḥila ynuda yufa

Bu neyya mazal yţarggu

Win yufan ytell-t yečča

Wayeḍ yessuf-ɣ seddu

Taḥkayt aţ-naḥbes kan da

Ur nessiɣzif asefru

Awal ma wezziy yefra

Ma ɣezzif attaṣ ad d-irnu

Yexṣaṛ zzman deg id neggra

Kullec yuɣal baḥwaṣṣu_____Y/S

Tajmilt i yzumal

Ad hdu-ɣ tajmilt-aggi

I yzumal irkkelli

Irgazen akk ṭ-lawin

Wa s yemru wa s tẓuṛi

Tudert-nsen d-imenɣi

Ɛamd-n laḥvus tiṛṣaṣin

Xtaṛ-n abrid imenɣi

F lǧal t-lelli

Γas ad sebl-n tiṛwiḥin

Ccban itran igenni

Γas baεd-n i tmuɣli

Nutni di medden ṭ-wali-n

D nutni iɣ yellin iẓṛi

Ṣeggem-n-aɣ tikli

Di ttlam qqel-n ţiftilin

Yiss-n i tecbaḥ tmuɣli

Ccba-n aggur n tziri

Di ttlam si medden ţwali-n___Y/S

Yibb-ass ad telli tebburt

Yibb-ass ad telli tebburt

Ad r-arr-ɣ ula d lmut

Ma yella t-ṭeddud ar ɣuṛ-i

Yibb-ass ad beddel-aɣ tamurt

Am fṛux yţ-nadi-n tafsut

Ad yekfu lhem fell-i

Ayen akk d laḥzen n-rru-t

Lxiṛ ur yţ-fut

Af ṛebbi yeshel kulci___Y/S

Tin i yid-yarran bunjuṛ

Tin i y-id d-irra-n bunjuṛ

Buddeɣ-as lxiṛ d-aεemmuṛ

Fell-as ad yaggar kulci

Ma ţid yewten s-uɣensur

Am w-ulli awessur

Nnif maci d-amnafqi

Waḥed-kket tɣelb-m-t Ẓaṛẓuṛ

Ma yẓeṛ azemmur

T-friwis-m-t irkkulli____Y/S

Attas ig ɣill-n

Attaṣ ig ɣill-n n-daṛṛ-aɣ

Mi εudd-n lluẓ-aɣ

Yal wa d laḥsab yessuli

Ur ineq laẓ ma xuṣṣ-aɣ

Wala tawant ma ggurε-aɣ

Ala ayen yqeddaṛ ṛebbi

Di lbattel-nwen tbarr-aɣ

Yzleg-awen w-allaɣ

Aɣbel deg-wen maci deg-i

D iles-iw id d-ibbi at jmeε-aɣ

Imi-w at zemm-aɣ

Limer nnif a ken-id yali

Lukan d lǧamaε i hudd-aɣ

Neɣ ṭaqqeṛrabt i yuker-aɣ

Asiniɣ ccah deg-i

Lqay uzaglu i bubb-aɣ

Akkeni warǧin uyes-aɣ

Ṣbaṛ d-aḥbib ṛṛebbi____Y/S

Ddunit-aggi d lfetna

Ddunit-aggi d lfetna

Win mi tefka kra

Ad d-iţɣil yif akk medden

Ma yella aεbbuḍ yarwa

Yṭţu ansi id d-ikka

Maci ad d-imekti yiwen

Yeţuɣal d waεggarra

Yugar εenqaṛa

Yḥeqqaṛ deg g-mdanen

Siwa rebbi i d lqqedṛa

Lamaṛ ar ɣuṛ-s ig g-lla

Yţ-jaṛṛib deg g-mdanen

Yaweyyak a bu ţnefxa

Rres-d a lqaεa

D nnefs kan ik k-iččuṛ-n

Acḥal iggεedda-n n-cfa

Kseb-n ṣṣṛaya

Tagara aqqel yifit-n___Y/S

Tikwal amdan

Tikwal amdan maεfun

Yeţţif-it leqdaṛ yilef

Lfuci yekkat-n aldun

Ur tesεi y-ara asḥissef

Akken bnadem yeţḍuṛṛu-n

Γuṛ-s tirruggza texsef_____Y/S

Ɣzeɣ-as tasraft

Ɣzeɣ-as tasraft i w-awal

Yenɣa-y-aɣ lqal

Ur nufi aɣ d-yali lmentteq

Amdan yeţnadi-n f ccwal

Yaεceq di t-fukal

D lbattel yɣebbu-n iḥeq

Ixef-iw yεdem-it lḥal

Ul-iw yesnektal

Ma t-nejε-t ad d-ittaṛḍeq___Y/S

Ata w-ul-iw

Atah w-ul-iw yatqelleq

Yebɣa ad d-ifelleq

It-yuɣ-n yḥuza-yi

Si yir lhedṛa n-ḍaq

Limer kan d lḥaq

Asiniɣ ccah deg-i

A y-agellid a lxaleq

Sellek-an-aɣ naεweq 

Yak ɣur-k yeshel kulci___Y/S

Ɛaṛq-aɣ di laḥsab

Ɛaṛq-aɣ di laḥsab xdem-aɣ

Yal ma as-εiwed-aɣ

Ṭaf-aɣ-d alef di meyya

D lxiṛ id ţ-mekta-y-aɣ

Yal win mi it-xdem-aɣ

Yeẓẓul fell-as di ttaṛḥa

Maci d-andam i n-dem-aɣ

D-awham i wahem-aɣ

Bnadem amek yga am tata___Y/S

A win yumen-n

A win yumen-n s rebbi

Wiyya-k εabed-it kan waḥd-s

Ili-k d lεebd aḥaṛṛi

Ur kennu i w-adɣaɣ yaṛxes

N-jeṛ-n-t ḍyan-as timmi

Akken ɣur-k ad d-iṛqiqeṣ

Rebbi yiwen maci ssin

Ur yesεi ara tanuda

Am yrgazen am tulawin

Yxleq-aɣ-d akk di lqaεa

Ṣebḥan-k allah a lεaḍim

Yaɛṣa-k lɛebd ur yaḥṣa____Y/S

Yexleq l-ins akk d lǧan

Yarna ccittan d lεaṣi

Yexleq aggur d y-itran

D y-ittij yeţţeflali

Ṣbḥank allah eṛṛaḥman

Nnaεm-ak ur d-aţnaḥṣi. Y-S

Acḥal d zman

Acḥal d zzman ig-εedda-n

D leqṛun ma drus-aya

Naḥḍeṛ i yal d-anekcam

Mi yeffaɣ aɣ d-yeǧ ccama

Almi neqqel d-imaεfan

Ɣunza-n-aɣ leǧnas maṛṛa

Nebḍa am ibawen af lluḥ

Yiwen ur yaεqil gma-s

D-ameqṛan neɣ d-amecttuḥ

Yal wa yjebbed ar tama-s

Lekteb yzzuz-n-aɣ di dduḥ

Tideţ n-reggel fella-s

Assa iεaṛqaɣ ṣwab

Mkul-wa yḥeţeb i yman-is

Yiwen yeqqaṛ nek d-aεṛab

Yefrurid di tecḍatt n-nbi-s

Wayeḍ iṛuḥas laḥsab

Yegguma as-d-yaf ixef-is___Y/S

Aɛziz

Lmut d-ajenwi n lḥaq

Ur tzellu tnaq

S tmijalt i t-ṭawi

S-axxam m-ad t-sewaq

Tasa t-ḥaṛṛaq

T-ṭaǧa nuva i ymetti

Acḥal ig g-uεaṛ lectaq

Aεziz m-at-nectaq

Arimi nuva ad d-zzi____Y/S

Allah Allah

Allah allah af idurar

Amzun d-igudar

Di tiɣilt mara d bedd-n

Yefkayas-n rebbi ssar

Cvaḥa izurar

Af temgaṛtt ma ad εalqq-n

Cfa-n-d i zman amzwar

D widak id d-iǧǧa-n lataṛ

Issem nsen imaziɣen____Y/S

Ɛmaṛa

Yibb-ass id yeskaṛ εmaṛa

T-kaḥy-as-d xyiǧa

Yenna-y-as n-tzeweǧ bik

Azekka-nni ţameɣṛa

S ttbel d lɣiḍa

Ya rassul ṣlatt εlik

Imi id-yuki di ssekṛa

Yexlaε d-acut wa

Ya ccittan allah yexzik___Y/S

Maci d yiwet

Maci d yiwet neɣ d snat 

Maci d assa d yiḍeli

Xaṛb-n-aɣ maṛṛa lewqat 

Taεṛeq-aɣ ula ttikli

Nugad lḥal a ɣ-ifat

Tudert aţ-ṛuḥ d-akerfi___Y/S

Ass fi ssamen-aɣ

Ul-iw ass fi t-ssamen-aɣ

Ar-wid-ak iɣill-aɣ

Ig ssen yixef-iw laḥzen

Ṛhen-ɣ temzi-w ur faqaɣ

Di lebḥaṛ iɣeblan zzer-aɣ 

Allaɣ yaɛya deg xemmem

     

Di laεmeṛ-iw ţ-ḍeggiṛ-aɣ

Deg sirem neqq-aɣ 

Aḥebbaṛ d luɣbayen

     

Tura mi id ndekway-aɣ

S kra akken i ssarm-aɣ

Targit teqqel d-uguren

Ah ya ddnit t-kelx-ḍ-aɣ

Ayen akk seg-m uṛǧ-aɣ

Tuɣal-ḍ t-beddel-ḍ udem___Y/S

Rebbi yfarreẓ yeţextiṛ

 Rebbi yfarreẓ yeţextiṛ

Yeţmeyyiz deg mdanen

Win yesεa-n kra aya-yxiṛ

Yedder seg-g-wid yetnaεm-n

Wi bɣa-n as s-idum lxiṛ

Ad d-iskker igujilen

      

Dunnit yerkeb-iţ lḥir

Assa nella azkka wissen

Muqel aεbbuḍ m-ad d-iqqiṛ

Γas y-čča akk ayen yella-n 

Wi xdem-n kra s w-uffir

D-udem ṛṛebbi ad d-iqqim-n___Y/S

Afaḥli-nnaɣ

Afaḥli nneɣ ma yeẓwaṛ

As bnu-n leṣwaṛ

Akken ḥed war tiţwali

Win nsen ɣas d amekkaṛ

S-umeddeḥ d-ucekkaṛ

A t-arr-n d-aggur deg genni

Akka deg g-ass f-id n-kkar

Is-yenna yefkkar

Maci assa at-beddel felli___Y/S

Limer t-cbeḥ-ḍ

Limer t-cbeḥ-ḍ meqqaṛ

As-nini zzin yeţ-setḥi

Kem tebrek tarni-ḍ temɣaṛ

Yefɣik-m sser dayenni

Ma tebɣi-ḍ aţ-rbeḥ-ḍ leqdaṛ

Iḍṛif ar medden irkelli_______Y/S

Awal yekfa

Awal yekfa

Imi yzzem iman-is

Lektevb yarna

Yugar tideţ di ccan-is

Ɛumm-t tlufa

Yal ta tarna-d lhem-is___Y/S

Attas i t-ibla-n d cwitt

Aṭṭaṣ i t-ibla-n d cwiṭṭ

S tḥila d texttitt

Yeqsed d-it-id ar lḥeq-is

Ṭagarfa t-ssawal εiq-εiṭṭ

Ṣṣifa t-yaẓitt

Γuṛneɣ id wehha lfuci-s

Yir awal yeţḍuṛṛu cwiṭṭ

Ddeεεa t-ţaččaṛ taqṛitt

Rebbi meqqeṛ leqdaṛ-is___Y/S

Arr-iɣ ul-iw

Arr-iɣ ul-iw di lmizan

Yeclex deg ɣebblan

Seg g-akken yεebba aɣilif

Ṭ-zzem-ɣ-t rennu-ɣ-d urfan

Am zzit af w-aman

Qqaṛ-ɣ-as iw ɣarval ssif

Ẓẓay-it felli w-ussan

Ayen i y-iεebba-n

Mkul taswiεt d-asurrif___Y/S

N-fka-y-as lebɣi

N-fka-y-as lebɣi iw-kmaz

Yečča-y-aɣ w-aɣẓaẓ

Ula d yir lhedṛa t-rennu

Yir aṭṭan deg-naɣ yeqqaz

Anwa ur yḥaz

Am jeǧǧiḍ ur yeṭ-fuku

Tudert-neɣ d-ambarraz

Nugar imahraz

Win newεa ad at-nefnu___Y/S

Xdem-aɣ amgud

Xdem-aɣ lmul d lxali

Af nekk ur naḥṣi

Weyyak a yul ur neddeb

Xedm-aɣ amgud di tili

Ɛudd-aɣ d lεali

Ziɣen ur yesεi lmedheb

Wid-ak fi ṛwi-ɣ lemḥani

Assa-gi ɣunza-n-iyi

Akka xiṛ yelha ujaṛeb___Y/S

Yuɣal-aɣ w-awal

Yuɣal-aɣ w-awal d lεeb

Di lhedṛa n-qelleb

Mebla aḥezzeb d-ukukru

Γas bab-is at n-ceggeb

S tcmaṭ at n-εeggeb

Ur n-ṭṭaggad daɛwessu

Wi bɣa-n likad yessaḥseb

Yexḍu i lekteb

Deg brid lḥeq yeddu___Y/S

Wi bɣa-n ad d-ihdaṛ

Wi bɣa-n ad d-ihdaṛ yahdaṛ

Wi stufa-n i ccaṛ

Yal-wa as d-yas w-ass-is

Yir awal ur yesεi aqṛaṛ

Yugar agarzim imceffaṛ

Yibb-ass ad d-igelu s yixef-is

Yak win yzuzuf-n affar

Mi yṛuḥ ad d-imgar

D-iclem a yaf d-amur-is___Y/S

Yella ṛebbi

Yella rebbi d-aεssas

Yal wa yeẓṛa-y-as

Deg genni neɣ di lqaεa

Wi walan kra yṣṣaṛ-as

D laεfu fella-s

Imi ur yezriε lfetna

Ma d win ig-xdaε-n gma-s

Yečča di lḥaṛma-s

Ad d-iţ-wazzem deg ẓekka___Y/S

Wid i ɣ-iǧǧa-n

Wid i ɣ-iǧan di tmusni

Inta-ɣ-d amek a ten-neqḍaε

Di ddunit sεan iswi

Yal wa yefeɣ-d d ṣṣanaε

S-unadi bbeḍ-n lebɣi

Dda-n amzun d swayaε

Nitni uli-n s-igenni

Nekkni mazal-aɣ di lqaε

Iwakken ar an-ɣaṛ nugi

Neqqaṛ ur tesε-ara nfaε

Ma yḥḥel wihin neɣ waggi

A ccix amek id d-inna ccṛaε

A wid ig faz-n di kulci

Melt-aɣ-d an-cabi ɣuṛwen

Melt-aɣ-d ansi an-εeddi

Anws avrid yesufuɣ-n

Deg g-ass f-id n-lul n-ţwali

Taṛwiḥt t-ccud ar ɣuṛwen

A wid ɣuṛ t-ccεel tafat

Acimi ɣuṛ-naɣ t-ttellem

D-aseqsi ur n-ssεi tifrat

Imi d nekkni ig ḍely-n

Neţafed kan di sebbat

Neqqaṛ d ṛebbi igraden___Y/S

Taluft n zzman

Tagini taluft n zman

Faṛḥ-n ula d-itran

Lqaɛa teḍwa-ṭ tzcri

Ẓṛa-n akk wida-n yɣṛa-n

Ma mazal lla-n

Wur n-cfi a t-id n-smekti

Deg jaṛnan akka idura-n

Wufeq-n stenya-n

Di tmurt yeffeɣ ubaṛṛani

Lǧahelin ass-fi id kecem-n

Si ccaṛq id ṛuḥ-n

Din i ṭ-id ɛaṛbb-n irkkelli

Bab tmurt yuɣal yewhem

Leccɣal akk ɛaṛeq-n

Allen-is ṭawi-t lewhi

Im-is af f-awal yezzem

Yaεṛeq-as uxemmem

Ur yeẓṛi acu ad yini

Laεnaya bbid ynuḍeḥ-n

At laṛwaḥ sebbel-n

Suɣ-n-d allah ya rebbi

Assa wigi ig-ḥkem-n

D-ifarεuniyen

Xulef-n avrid id n-bbi

Di lqaεa ma t-ǧitten

Ddunit aţ-n-ɣeḍ-n

Ad ččen lber d lxali____Y/S

Ddunit tbeddel idis

Ddunit t-beddel idis

Yal wa i yman-is

Maci akka i ţ-id-nufa

Zik yal wa di lḥaq-is

Ylha-d d ccɣel-is

U d-awal yesεa lqima

Tura llɛebd ala ymani-s

Yettafaṛ lebɣi-s

Yelmed lekteb tiḥila___Y/S

D-ɛɛu-ɣ ṛebbi

D-ɛɛu-ɣ rebbi yal ṣbaḥ

Tablurt yendel-n aṭ-ftaḥ

Ṣṣeṛ-aɣ f lɛebd bu tismin

Zziɣ i ẓhaṛ-iw lemlaḥ

Kteṛ-aɣ lefṭayaḥ

As tekkes tagut leɣmim

Yibb-ass ad-kfun leqṛaḥ

Ad-ḍummen lejraḥ

Xas n-ẓṛa ccama ad qqim____Y/S

Yugi lhem

Yugi lhem ad d-aɣ-iḍleq

Simma la yxeṛṛeq

Wissen ma ṭirad ṛrebbi

Yal taluft deg-naɣ at cenneq

Ixef-nnaɣ yaεweq

Tifrawt ur tban melmi

Wi fkan yir ẓhaṛ isewweq

D-acu a s-id yenfeq

Ala ayen aṛẓag-n am lili___Y/S

Anef i lhem

Anef i lhem ad d-innarni

Ṣṣuṛa m-ur ţ-izwi

Aqaṛṛu at-yar d-amellal

Wi sεan ẓhaṛ lεayi

Xas yebbeḍ ar yefri

Ɣuṛ-s ad d-ibed am lexyal

Ma d-win mi texṛeb timmi

Mi ig-bed ad d-iɣli

Ammin yeddan deg ɣarval. Y/S

W-ig bbin ar ssuq issem-iw

W-ig bbin ar ssuq issem-iw

Bexlaf wid-nn-iw

Fkan-t i zzman d dyaya

Mi ṛuḥ-aɣ ad xdem-aɣ ccɣel-iw

Yedda ccittan di lateṛ-iw

Xas εebbed-aɣ sebεin maṛṛa

S-xaṛb-n-iyi ddunit-iw

Yennaεdam y-ixef-iw

Ddra-ɣ tudert n tmara___Y/S

Taṛemmat

Ṣebḥan-k allah ṛṛaḥman

Id d-fki-ḍ di lxiṛan

D keč id bab n naεma

Kseb-aɣ ṭejṛa n ṛemman

Tefsa dayen kan

Tefka-d acḥal d lfakya

Tura mi t-sejhed iẓuṛan

Tečuṛ d-asennan

Tugar tadmimt n lexla___Y/S

S ṛebbi in-ndah

Yiss-k a ṛebbi i n-ndah

S yyah neɣ s wwah

T-fahem-ḍ yal d lluɣa

Ad d-ikkfu fella-ɣ nnah

An-sεu lǧah

Am nekkni am medden maṛṛa

Ma neqqim akka ntah

Ugar at ccah

Arran-aɣ medden ţaḍṣa___Y/S

Asfru id d-ibbi w-aḍu

Yaɛǧeb-iyi usefru

Id d-ibbi w-aḍu

Ysarsit-id ar ɣuṛi

Ayen yakk id d-iḥekku

Arriɣ-t d-asaru

Yqaṛ-d ig ɛedda-n felli

Ufiɣ-t d ddwa ḥellu

Yjebber yrennu

Yṭ-kkes af w-ul nhati

Laɛbad deg-sen tmeyez-ḍ

D-attan ynetteḍ

Ak-ini-ɣ ḥader iman-ik

Wi sɛa-n lɛib at t-iṣfeḍ

Ɣuṛ-k at t-id d-infeḍ

Ak-t-isbib af w-aɛrur-ik

Anda tṛuḥ-ḍ aten-ttaf-ḍ

Fiḥel ma tquṛeɛ-ḍ

Quṛɛenk-id deg g-abdil-ik

Ddunit amzun d ssaɛa

Tekkat t-ṭ-ɛedda

Hah kan ad taweḍ ɣuṛ-k

Xdem lxiṛ d ttaɛa

S ṣṣfa d nniya

Ṛebbi ad yili yid-k

Ur t-ḥabbiṛ i lǧama

Yal wa akken yebɣa

Aẓkka at-kcem-ḍ waḥed-k___Y/S

Barḥ-aɣ s laḥzen

Barḥ-aɣ s laḥzen yekkes

I lxatteṛ-iw ad d-innefses

Di ssin bezzaf n-nnaɛdam

Ɣṛiɣ-as i lebɣ-iw n nnefs

Akken ad d-issemḥes

An-fru tid iɣ-yura-n

Yentteq w-ul-iw ɣuṛ-s

I t-bɣi-ḍ ayes

Lejruḥ ṭaǧan-d iɣisan

Ɣas d-axel-ik t-cɛel tmes

Ak-d-njab iḍeṣ

Aṭ ṭ-uɣal ṭirgit yensa-n

Ziɣ yir lhedṛa t-ţeqqes

T-ţarra ul d-iɣes

Am-akken ur yesεi iḥulfan___Y/S

Adrim

Wi sεan adrim yeţfarfir

Ycuva ar ttiṛ

Tamurt ig-vɣa a ṭ-ikcem

Yefka-y-as rebbi di lxiṛ

Ur yesε-ara lḥir

Ddunit ar ɣuṛ-s tṣeggem

Maci ammin yella-n d-afqir

Yedder s t-karkir

Ddunit tugi as-d-fek udem___Y/S

Bnadem

Bnadem yebna-n af ssin

Seg-s ṛṛuḥ d lǧeta

Yiwen d lqqeḍṛa bb-aḥnin

Wayeḍ s w-akal i t-ibna

Ass-mi is n-irad s tlalin

Yexleq adem d ḥewa

Amdan yella d-awaḥci

Yaɛbed tafunast aɣyul

Ṛebbi ur yaṛḍa s tigi

Ycyeε-as-d acḥal d-aṛṣul

Ass-mi is-yeldi yeẓṛi

Yetfarεen yuɣal mejhul

Assa aqlaɣ n-ţwali

Di bnadem anida yebb-ḍ

Yeɣṛa izad di tmusni

Ula s-igenni yaṛk-ḍ

Aṛɣab deg-s yeţnarni

Tin yekseb mazal tayeḍ

Inuda lber lebḥuṛ

Igenni akk d lqaεa

Ula d-itran d w-aggur

Yssufeɣ-as-n lemjaṛṛa

Mazal yumen s leɣṛuṛ

Lɛebd deg vekki id yekka

A bnadem ilik d lεaqey

Yak taḥṣiḍ taṛjak lmut

Ma yella f lḥaq n-ddarɣey

N-kkeṛ yelzem-is ţbut

Mektid d farεun yeṭwakbey

Mi yeɣṛeq ccad-as tfut_____Y/S

Nna- wi mut-n

Nna-n wi mut-n yartaḥ

Wissen ma d ṣṣaḥ

Ma msawa-n medden maṛṛa

Wi xdem-n lxir yerbaḥ

Af w-udem ṛṛebbi ig nuḍaḥ

Ad yaf deg ẓekka-s lahna

Ma win di bnadem yjarraḥ

Ysseftu-y lejraḥ

Ig xdem at-yaf yhegga

Ar ţaεdey tyarza ufellaḥ

Bu ccɣel yṣṣefṛaḥ

D win yṛekḍ-n tara___Y/S

Ad d-arraɣ tajmilt

Ad d-arraɣ tajmilt i yɣyal

Yeţrusu-n asarwal

Wid-nni yeksa-n di lemṛaε

Ma ṭṭef-n lhedṛa bb-awal

Ur nesεi azal

Ttul bb-ass nutni d-asquqaε

D laεbad yecba-n lmal

Ad d-arrugzi-n d lmuḥal

Ţidir-n m-bɣiṛ nnfaε___Y/S

Wi ɣill-n

Wi ɣill-n lahmum sahy-it

Ad d-idhen s zzit

Deg nafuṛ ad d-iεeddi

Makken times t-cweḍ-it

Agglim-it t-zlef-it

Ay ẓaṛ ig εedda-n felli

Yuεaṛ win tkellex ddunit

Ţaḍggaft tarr-it

Deg-s ččan medden irkelli___Y/S

Limer

Limer d-amusnaw ɣṛi-ɣ

S-igenni ad ali-ɣ

Ad qeleb-aɣ tudert nniḍen

Lukan d-aεewwam i lli-ɣ

Di lebḥaṛ ad-nadi-ɣ

F lbaṛj ur yessin yiwen

Imi ţamedyazt i sεi-ɣ

Yis kan ad-dawi-ɣ

Ul-iw jarḥ-t lemḥayen___Y/S

Nekk aɛyiɣ

Nniɣ-k i y-ul-iw susem

Nek aεyi-ɣ di lhem

Tifidi t-bbeḍ a lḥedd-is

Win ur nebɣi aţ-ṣeggem

Dacu ar as-nexdem

Di ssin neṭţa d-aṛṛay-is

Win iṛuḥ-n ad-yagem

Yaṛẓa asagem

Ur yeţlum af ḥedd ɣiṛ-is___Y/S

Tiɣimit akk d-aṛṛay-is

Yal wa yqqim d-aṛṛay-is

Yessaḥseb imani-s

Yẓaṛ ṛṛay-is ma yelha

W-ufan ad yahḍaṛ i w-ul-is

Ad d-itebbet laɛqel-is

Diri w-ig g-qedec-n di lfetna

Wa ybareḥ-n s lɛaṛḍ n bab-is

Siwa kan ṛṛxis

Tarra ddunit d cmata___Y/S

Ẓhaṛ akssuḥ

Wekklaɣ zzhaṛ akssuḥ

I ṛebbi bu lfuţuḥ

Tisura at-tid ar ɣuṛ-s

Ass-fi lliɣ d-amecttuḥ

Ţafgaɣ am w-afṛux

Anida iɣ-yahwa n-res

Ma d-assa tazmert tṛuḥ

Yeggra-d siwa aṛṛuḥ

Degnaɣ ad d-iggar nfes

Wi ɣillen ddunit t-ţcuḥ

Tezzuz-n-it di dduḥ

Neţţa-t d-azrem t-ţeqqes___Y/S

Lbaz idurar

Lbaz d mmi-s bb-adrar

Deg-s id d-ikkar

Ṣyada-s siwa ig g-ḥellen

Yecbaḥ ma a ywet s yifar

Tikli-s d-aṣeffaṛ

D-aεeccaq ibaḥriyen

Yif tagarfa ur n-sɛi ssar

Ṣṣut-is yreggi lxattaṛ

Amεic-is deg gudiyen___Y/S

Sεan-aɣ medden d ccɣel

Sεan-aɣ medden d ccɣel

W-aggad-nni mi yzad ddɣel

Yarra-yi-t-n zman ţakna

Am win yella-n d ssafel

D win yzgan yeẓttel

Ṭ-qaṛaɛ-n-aɣ-d di tɣemmuṛa

M-ur tbarra-ɣ deg-sen d-aqqel

Ɛemmed-ɣ-as i ddel

Ad ccach-ɣ deg-i teḍṛa

Ţif xiṛ ad ṛuḥ-aɣ d-asfel

Wala ad ddu-ɣ d yir laṣel

Win ur nesɛi tirrugza___Y/S

Azraɛ n lekteb

I win yzarreε-n lekteb

Wissen ma yssaḥseb

ass-fi a t-imger ufus-is

Ddunit fellas aţ-qleb

Ad d-iṛwu agrireb

Ur yeţaf ḥed s-idis-is

Assen lmut a ţ-iḍleb

Rebbi mur d-istajeb

Ad d-iţuεelleq iziɣeṛ-is___Y/S

Atqahqah n zman

Ma fella-k zman yet-qahqah

Aṛxiṣ ak t-id d-iweǧǧah

Ad-d-iɣeẓ fella-k kawkaw

Γas ad yili d ssafah

Yeqqaṛ d-imreffah

Qudṛeni medden s w-ayla-w

Ma dwin meskin fi twellah

A terr yeṭ-wakṛah

As-yuɣal w-aḥbib d-aεdaw___Y/S

A lfahem

A lfahem ak n-xebbaṛ

Aḥbib ma yetekbaṛ

Ur t-ddu di ṛfaqa-s

Ma t-qsed-tt ur k-iţeṣṣaṛ

Ma yzmer ak k-iḥqaṛ

D win yeṭ-εeddin tilas

Ma telli-ḍ d-uḥdiq wexxaṛ

Xas baεed-ik meqqaṛ

Ddunit ma tugi-k anef-as___Y/S

Ma fella-k yqeddaṛ

Ma fella-k ṛebbi yqeddaṛ

Ur seqqaṛ ayɣaṛ

Felli id kteṛ-ḍ lahmum

Af w-ayen ik-yuɣen ṣvaṛ

Yis a k-id d-ijbaṛ

Ass maken a tengger a ṭ-qum

Ma yella yrad-ak lemṛaṛ

A k-id d-issihey lεaṛ

Azkka a k-ixzu ger lqqum___Y/S

Ẓhaṛ war n-mɛin

Wekel-ɣ rebbi i zhaṛ ur nemεin

Ig hujeṛ-n lesnin

Mači yezzi-d ar ɣuṛi

Yeǧǧa-yi ḥeṣl-aɣ di lɣim

Uzraɣ di lmim

Tteḥḥan yḍṣa felli

Akken n-xdem ṭ-imḥeṣyin

Ma n-wqem ur teẓṛi-n

Ma n-ɣlett dɣa tarwi

Siwa rebbi id d-aḥnin

At-n-ḍleb aɣ-iεin

A ɣ-ikkes ayen ur n-lhi

Wamma laεbad d lxabtin

Qlil ssegsen bbin

Yidek ad d-ili d lεayi___Y/S

Bḥal wiggi

Aqvayli d-azrem yteqq-s

Yaεmeṛ-it y-iles

N-faε deg-ss war yelli

Lhedṛa ugar lemqes

Ad d-iţfuxu waḥd-s

Aţ-ɣill-ḍ yettef-d igenni

M-ad taweḍ teggniţ t-keḥ-s

Ak-iban yenxes

D ccwatten bḥal wiggi___Y/S

Lkayes

Nna-n wi llan d lkayes

Ataf-ḍ kan waḥd-s

Ur yeggar di t-jemmuεa

Tikli-s yteddu yeffes

Yexḍa d nnaḥes

Maci ak-iḍuṛ di kra

N-ggrad di zman d-imṛexxes

W-ur nelli yebxes

As-bubb-n medden tiẓṛa___Y/S

Ḥemd-aɣ ṛebbi

Ad ḥemd-ɣ rebbi at cckeṛ-aɣ

I lhemm-iw ṣbeṛ-aɣ

Ṛṛji-ɣ kan bab i genni

Ur n-ɣi-ɣ ur ukir-aɣ

Ulac win xdeε-aɣ

Rebbi yssel yeţwali

Di yir tagmaţ it-tuɣ-aɣ

N-ḍlen-iyi ur faq-aɣ

Mazal ccemcad-n felli___Y/S

Ccah deg-i

Ad d-ini-ɣ ccah deg-i

D-nekk kan i diri

Arri-ɣ laεvad d-ayetma

Ulac w-ur d-narri ɣuṛi

Taɣawsa i tebɣu tili

Siwa ayen m-ur zmir-ɣ-ara

Ula d trisiti

Qṛib id d-itenɣi

Kkes-ɣ i medden ttya___Y/S

Wid i nif

Awar ɣif-n wid yemut-n

Nekkni di ddunit n-ddar

Awar niyi d wid yɣfel-n

Di lweqt-nnaɣ n-tteggar

Awar n-cvu win yekkat-n

Neṭṭa s laεyub-is yufrar___Y/S

الى الله ملجئي

                             وإلى الله ملجئي

                  هو أعلم بالنفوس مخفاها

                    من أهل الفسوق والفتن

                           أهل الشر والزندقة

                    فمن أفواههم نتن تسري

         Y/S___كسيل العفن من مجراها

Lahmum

Ma fella-k kteṛ-n lahmum

Γas ssima ad ṭɛummu-n

Ṣbaṛ cetki ttaṛ-ik i ṛebbi

Ur ţaǧǧa medden akkewεu-n

Amzun d cwingum

Yal wa ak k-iffeẓ tirni

Deg-k ad kat-n ad rennu-n

Akarr-n d-amcum

Nitni d lḥeǧǧaǧ irkkeli___Y/S

Yir laḥbab

Ttuqt-n laḥbab u kellex

Deg mi kfan wid n tideţ

Tezdeg yugar-iţ lewsex

Laḥsed di bab-is ig-teţṭ

Ma tesεiḍ asqqaṛen yetneffex

Ma teɣliḍ ata a medden walit-ţ

Nekk aṛfiq-iw d ṣbaṛ

U ṣbaṛ d-aḥbib ṛrebbi

Ɣas felli ddunit t-qhaṛ

Yibb-ass a y-id d-iwali

Ṣbaṛ-ɣ i wid uxṭṭaṛ

Rebbi issel yeţwali___Y/S

Alummu

N-ṭlummu af wiyaḍ bezzaf

D sebba lmaḥna-t

Ayen yellan deg-naɣ n-fer-it

N-ccba wi ssensen tafat

N-ṭeddu s lewhat

Lamer lɛib-nnaɣ n-ɣum-it

Nugi amuqel ar zzat

Lɛaqel deg-nnaɣ n-nfat

Neǧǧa nnuba i twaɣit

Ayen akk yelhan n-bɣa-t

N-ṭḍeggiṛ lewqat

N-ḍmaɛ ad taweḍ tṣebḥit___Y/S

Neṭṭa d neṭṭat

Yexḍel neṭṭa d neṭṭat

Almi ur iban kra

Irgazen neɣ d lxalat

Ur yefri lḥeb ɣaf takka

Tamettut dayen id neṭṭat

Iw-argaz ayɣaṛ yarna ____Y/S

Amzruy

Deg-naɣ ad d-izzem laṣel

Wamma wi llan d lefḥel

Ad d-ireggem ad d-irennu

Neǧa amezruy yewḥel

Narra-ṭ iw muqel

Amzun nebbi daɛwessu

Nufa ccna d cḍaḥ d-abdel

N-ṭɣil nekkes aɣbel

Am-akken d ddwa ḥellu___Y/S

Tifrat n tilla

A win ig farru-n tilla

N-zga di lmarta

Tudert tṛuḥ d-akkerfi

Naṛwa iɣimi di lqahwa

Dduminu d lkaṛtta

Lweqt yekkat yeṭɛeddi

Ccah di twenza tlufa

Yura-yas w-akka

Wissen ẓhaṛ m-ad d-isteqsi___Y/S

Yenna-yas ccix muḥend

Lla-n wid yecva-n iɣyal

Mi sweq-n s-aryal

ɣill-n aṭali trika

Llan laɛbad ur nuklal

Aqarru d-aɣellal

Ɣill-n ad nahṛen s ccuka

Ma d wid yḍmeɛ-n lmal

Mebla ṛaṣ lmal

At n-ye6č w-asif usaka

Laɛbad

A sidi ɛebd ṛṛaḥman

D lawliya yella-n

Mlet-aɣ-d anda yccud y-ixef-is

Assa laɛbad akken llan

Ččuṛ-n d iɣbelan

Yal wa yelha d d-iman-is

M-id-qṛeb-n ar ɣuṛek ččan

leǧyub-ik mi xlan

Ak-ǧǧen amzun d-uṛxis____Y/S

Arraw llaṣel

Ad ckkeṛ-ɣ arraw llaṣel

Wida-k mi teṣfa nniya

N-ḍleb ṛebbi d lkamel

As n-yarnu di lqima

Ncallah awar sɛu-n aɣbel

Anda dda-n lli-n-t tebbura

Lḥamdu Yllah ziɣ mazal  

War-ɛad kfa-n ymumnin

N-ṛuḥ neqḍa-d yakk leccɣal

Nuɣal-d s-axxam salmin 

Ɣas ɣunzan-ɣ iqelqal

Warǧin nnaḥṣil di txaftin

Ass m-akken llan lejdud

I ɣ-imel-n amek a neddu

Di laman yedder w-ugdud

Yṭzmumug yeṭḥulfu

Assa arranaɣ leqyud

N-ɣellet lxuf d-uɣullu____Y/S

Ṭiɛad n ṛebbi

Wi ɣill-n rebbi yeskaddeb

Ayen s-ig ywaɛɛ-d

D-aɣuṛṛu ig ɣuṛ iman-is

Awal-is neṭṭa d dheb

Yewzen-iṭ s lmedheb

Yal lḥaǧa tesɛa ass-is

Amrar ass-mi a t-ijbed

Ad d-iban lekteb

Amcum ad d-indeb af y-ixef-is____Y/S

Zyada lbattel

Taddart dgi yzad lbattel

Yɛum din zzbey

Agudi kan id d-issem-is

Ur ǧǧin la adrar la ssaḥel

Dacu akka iw mi n-sel

Tirrugza yeɣli leqdeṛ-is

Yir awal itekk-d si dɣel

Yeṭawi d-asfel

Win tizzreɛ-n s y-iles-is

Ṛebbi limer ad d-imuqel

Ad yamaṛ lajel

Ad d-ifru yid-wen ccɣel-is____Y/S

Ddin n l-ixwan

A y-agellid amuqṛan

A ṛebbi aya keč ig g-lla-n

Akka i ṭ-ẓalla-n zik-nni

 

Ɣas maci d wid yɣṛa-n

S nniya lḥa-n

Ḍfeṛ-n abrid ṛṛebbi

  

Ma ṭura ybeddel zman

Bbin-aɣ-d l-ixwan

Beddel-n-as inddin tikli

Uɣal-n akk d ccixan

Fettu-n is n-ihwa-n

S-taɣfir llah ya ṛebbi___Y/S

Tuddar

Tuddar akk xdem-t lḥaṛma

Siwa kan tizi bbecɛir

La nnif la ddin la leḥya

Amzun d ddarya n deffir

Nnan wi ṛebba-n ddarya

Mi meqqeṛ-t ad d-iban lxiṛ____Y/S

Targit lmut

Urga-ɣ am akken mut-ɣ

Dunnit beddel-ɣ

Ṭwaliɣ deg ɛeǧǧiben

Ɣuṛ-i usand wid-an ḥemmel-ɣ

Acḥal i-t-n-cedha-ɣ

S w-azmumeg i y-id muger-n

Di laḥrir m-akken ger-ɣ

D lmesk ṭraḥ-ɣ

Lqaɛa tessa s-ijǧǧigen

Lfejɛa m-id ndekwal-ɣ

Deg targit ffeɣ-ɣ

Af f-ul-iw yeɣli-d laḥzen

Menna-ɣ limer uɣ d-uɣal-ɣ

S tideṭ i ṛuḥ-ɣ

Ad felli yaɛfu yaṛḥem____Y/S

Zman lmarta

N-ḍḥa-d di zman lmarta

Ɛumm-t lebliya

Anda teddiḍ d-axṭṭaṛ

Wi ttef-n di ddin-is yenja

Tarra-t tmara

I w-udem ṛṛabi yeṣbaṛ

Fti-t di medden tlufa

Yal wa id yestufa

Lxiṛ iɣlev-it ccaṛ____Y/S

Fek-aɣ laɛqel

A ṛebbi fka-ɣ laɛqel

Allaɣ ymbbawel

Deg-s ur diqqim kra

Fkan-aɣ laɛbad d-assfel

Yqwa-ṭ lbattel

Ur neẓṛi acu id sebba

  

Amzun neɣli s-inijel

Akken i n-xdem naḥṣel

An ffaɣ ur nezmir ara

S-issem-ik allah n-ssawel

Kkess fellaɣ ddel

D keč id bab lqqeḍṛa___Y/S

Nekk xdiɣ

Nekk xḍi-ɣ ṛebbi yeẓṛa

Ur sɛi-ɣ aya

Ma d kunwi s-muqjen-t

Ɣas tikwal dgi ssfaha

D zyada lhedṛa

Ul-iw di warjin yexbet

Tikwal kan tarra tmara

Ssifsis-aɣ felli kra

Tacmaṭ nwen ẓẓay-t

Smaḥ si lǧihaw yelha

Ulama ur tuksan-m ara

Tadyant nwen varrik-t____Y/S

Lɛid

Ssuref-iyi a lɛid ṭxilem

Ig-ɛedda-n am kem

Ur d-arri-ɣ ara s lexbaṛ

Teḍṛa yidi ami muten

Mi yurad yekfen

S-aẓekka abrid yenjaṛ

 

Af yixef-iw izad laḥzen

Yenɣa-yi uxmem

Ul-iw meskin yjunjaṛ

Nuda-ɣ ttelba lɛilem

Yiwen ma d yefhem

Ziɣ ṛebbi akka ig qeddaṛ

Ɣas lewqat ɛedda-n ṛuḥe-n

mazal assirem

Ncallah ma ɣezzif laɛmaṛ

  

Ma yaɛfa ṛebbi dayen

Yaɛya yekfa lhem

Nek yide-m an-mɣafaṛ___Y/S

Taqṣitt n sidna sliman

Taqṣitt n sidna sliman

Yecfa-yas-d zman

Ṭawi-n-ṭ laɛbad d lemtel

D nnbi yarna d ṣelttan

D ṛebbi is yefka-n

Yedda yaḥkkem s laɛdel

D ljen neɣ d amdan

Akk d lḥiwan akken llan

Win tiɛuṣa-n at-ikkbel

Acḥal afṛux ur d-iban

M-id yuɣal s axxam

Mur yesɛi lḥaq ad d-imzel

Ṭideṭ a sidna sliman

Keč t-feki-ḍ-iyi laman

Ma xdeɛ-aɣ-k timezya tḥel

Nek bbiɣd lexbaṛ yellan

N lqum ig ɛbed-n itran

Ǧǧa-n ṛebbi d lkamel

Ṭamettut id ṣelttan

Ḍuɛ-n-ṭ akken llan

Id tenni-ḍ nekkni n-qbel

Yumeṛ lejnun yeqwa-n

Awited lɛaṛc sɛa-n

Anwali ma d-aṭ-beddel

Belqis tuzyit n ccfaṛ

Mi t-kcem leqṣaṛ

T-tɛeǧeb ggayen twala

Yɣwa-ṭ tekcef aḍaṛ

Yenna-y-as sfaha ur ayɣaṛ

Ddunit ur teṭdum ara

T-ccahed s ṛebbi t-steɣfaṛ

Ur s-xeddem-aɣ acrik yuɛaṛ

D ḍfaṛ-aɣ abrid llahna____Y/S

Aɣafaṛ

Aɣafaṛ yuɣal d lbidɛa

Kullec yedda d imezwura

Assa dacu id yeqqim-n

Ur telli la ṣfa la nniya

Siwa kan tamara

N-ṭemttaḥttaḥ s ykkniḥen

Lɛid mi tɛedda tekfa

Am win ytteṣ-n yurga

Mi d-ikker yeṭu dayen____Y/S

Abrid n tideṭ

Lekteb maci d ccɣel-iw

Ur ddim-aɣ deg-t lḥaq-iw

Ur yessaɣ sgi iẓuṛan

Tideṭ tuzzel af yiles-iw

Yhader-iṭ y imi-w

Ḥakku-ɣ-ṭ i medden akken llan

Win yugin lahḍuṛ-iw

Maci d nedd-iw

Xḍi-ɣ it tdukli izarman___Y/S

Wi ɣill-n as tdum

Wi ɣill-n as-tdum meɣṛuṛ

D-akyi neɣ d-aḥṛuṛ

Ddunit t-ṭbeddil udem

Adrar yella-n zik n nnuṛ

S-ukaṛeṛ leqṛan mechuṛ

D lexwan ma ṭedkiṛ-n

Assa ṭiqaɛtin ig ččuṛ

S-uwaṛǧeǧin d-uṣaṛṣuṛ

Mkul ass fellaɣ d-azenzen

Ignni fellaɣ yeqquṛ

Di lqaɛa d-anaɣuṛ

Siwa di ṛebbi wi ttef-n____Y/S

Agudu leɣbaṛ

Ay-afrux abuɛemaṛ

Deg gnni ṣeffaṛ

Arras leǧwab i lalla

Inas iw gudu leɣbaṛ

Mi kin-luɛaɣ ayɣaṛ

T-ɛuyeṛḍ-iy-id s tukaṛḍa

Lukan ṭideṭ meqqaṛ

Ɣas n-bubbe lɛaṛ

An-ṣveṛ tarra tmara

Imi d lbattel muqqaṛ

Ẓẓay d-axeṭṭaṛ

Yella ṛebbi yeṭfaka

 

Wi-sɛan imi-s d aṛugaṛ

Mi it-yeldi rriḥa tqebbaṛ

Ma yzemm-it d yir neṭṭa

Siwa rebbi d anṣṣaṛ

Ncallah aɣ-yejbaṛ

Aɣ-yemnaɛ si yal lebla____Y/S

Leqdeṛ bb-argaz

Leqdeṛ bb-rgaz ma yuklal

Ma d win ig weẓnen awal

Yssen d-acu ad d-yini

Maci ammin yecban lmal

Ysbaɛbuɛ deg zal

Yṭfux yarna yir imi

Yaɛceq di tlufa d cwal

yeṭṭu yctaq asarwal

S medden ig ṭɛici____Y/S

Yir tagmaṭ

Yir tagmaṭ am kalitus

Ma ɣezzif messus

M-bɛid ig g-arra tili

Maxiṛ wi sned-n s-akaṛmuṣ

ɣas asennan a t-idus

Lɣella-s aṭ-id-yawi

wamma ṣaqett ur n-ṭḥus

ɣas yčča-k ssus

afus-is maci at-idildi___Y/S

Yṭɣiḍ meskin

Yṭɣiḍ meskin bu nniya

Di tegmaṭ mi yenwa

Wama laḥbab d-akellex

Fella-s ma tzad cedda

Ur yeṭaf ḥed ar tama

Ɣas agglim-is ad d-islex

Atarr-n laɛbad ṭaḍṣa

Anda yebɣu yedda

Ataɛu-n medden iw kellex___Y/S

La aḥbib la lwali

Usiɣ-d ar ddunit ayen

D ttejra iy-id d-uruw-n

Ulac aḥbib la lwali

Laɛmaṛ akken kan yzzem

Ussan akk ttellem-n

Am darɣal abrid waḥdi

Mi tṛuḥ ar ɣuṛi ad ṣeggem

Adas-n w-ugur-n

Dɣa ad saḥḥeb maḍi

Wissen yura neɣ d medden

Ktaṛ-n leɣbayen

Af tamgaṛtt tezga tyarsi

Ṭxil-k allah a yiwen

Ar ɣur-k nessarem

Naṛja aɣ-darr-ḍ tiɣṛi___Y/S

Wid yfetu-n

Alattif deg g-id yfetu-n

Nutni di laḥram teṭṭ-n

Di laɛyub nsen ṭɣummun

S-uwhi-nsen af medden

Wissen d ddin i ṭ-huddu-n

Neɣ af laɛbad i ṭ-kellix-n___Y/S

Sidi lḥakem

Ţxile-k a sidi lḥakem

Id yenna yendem

Kkes-as leqyud taɛfuḍ-as

Yal ass nekkni d-axemem

Af wayen y-xdem

Yenɣa-yaɣ uḥebbaṛ kkul-ass

Iɣ-id yecqa-n d-assirem

N-ẓṛa-k d-aṛaḥem

Warǧin i n-qḍaɛ layas___Y/S

Zman uqyib

Sebḥan-k a waḥed lwaḥid

Deg-k n-ṭwaḥḥid

Di ddunit amek id d-ixef-is

N-ggra-d di zman d-uqyib

Ssimma n-tɛeǧib

Di bnadem izuzuren udem-is

Ad d-iṭgalla ad d-iskiddib

Ur k-issin ur qṛib

Amzun temḥi-ḍ deg g-allɣ-is

Abɛaḍ yestufa-d i lɛib

Ɣas fella-s yeɣyi-d ccib

Maci ad yar lqid i y-iles-is

Win yebbi ṛebbi d w-abrid

Ad d-iẓuṛ ttbib

Ahat ddwa deg fus-is___Y/S

Amur-iw

wekkel-ɣ-as ṛebbi i zhaṛ-iw

ig cebbel-n ixef-iw

yaṛẓayi ula d-ifadden

Ur ẓṛiɣ sebba lhemm-iw

Yes-xṛev-n temẓi-w

Yenɣa ula d-asirem

Ameɣbun siwa imani-w

Yetcebbel lxatteṛ-iw

Luḍa teqqli d-asawen

yal ma adyas lḥeq-iw

m-id yebbeḍ levɣi-w

ad d-iwet w-aḍu a t-iddem

tikwal senday-ɣ urawen-iw

qaṛeɣ-as d-amur-iw

m-id rfed-aɣ aɣarbal d-ilem

ɣas t-ǧuǧeg tefsut-iw

ṭwali-t kan w-allen-iw

nekk ar ɣuṛi d ṣmayem

A lawliya a syadi-w

Yeţ-εuzzu w-ul-iw

Dεut-aɣ akken aţ-ṣeggem___Y/S

N-qqaṛ labas

N-qqaṛ kan i medden labas

Nekkni di lahmum n-ɣṛaq

Cwal ykfa-n ad d-yas gma-s

Am aṛεud akk d ṣεayaq

Axxam ma yrab-as lsas

Arju tirad uxellaq___Y/S

Lxiṛ xdem-aɣ

Saḥsab-aɣ ṭ-εawad-aɣ

Rfed-aɣ neɣ sars-aɣ

Laḥsab ygguma ad yali

Aqjun s tuffiẓt is wehha-ɣ

Yal ma at-id mager-aɣ

Yeţ-ḥrurud-d ar ɣuṛi

Lεabd ayen akk is-xdem-aɣ

D lxiṛ is buddaɣ

Assa yccah-d ẓẓuṛ felli___Y/S

Ussan ygarrez-n

A y-ass-mi garrez-n w-ussan

Laεbad s-tekfa-n

Ula d-ameɣbun yeṣṣaṛ

Γas win yddren iɣɣublan

Yeṣbaṛ is yura-n

Ulac wi ygan axeţţaṛ

S lkuṛaj arna-n lemḥan

Dda-n s laman

Lisser d ţeɣɣzi laεmaṛ___Y/S

Daɛwessu

A win yellan d nniya

Yεemmed ur yaḥṣa

I tkelxeḍ siwa imanik

Tɣilleḍ ak-tdum akka

Tɣuṛṛik sεaya

Tţṣaṛṛifeḍ s tuɣzi ufus-ik

Ḥaṛcen akk laεvad la-ḥya

Lahval tiḥila

I keč anda id yeggra y-ixef-ik

Titt teţwahhi i tayeḍ

S tmuɣli aţfahmeḍ

Aţeẓṛeḍ leqdaṛ i kefkan

Widak-nni mi tεaǧveḍ

I wmi teṣṣawaleḍ

Ar tamak ḍḥand kfan

Ṣvaṛ a y-ul m-aţ-ṣvaṛ-ḍ

Mazal aţ-jaṛṛeb-ḍ

Deg g-ayen ak-d-aǧew-n w-ussan

M-id tusa lεid ak-tessru

Laḥzen ak-darnu

Tufa-k-id waḥdek tuɣal

Amek i t-bɣi-ḍ ak-tewεu

Tebbi-ḍ daεwessu

T-čči-ḍ ttlaba lmuḥal

Ḍleb ṛebbi m-ad ak-yaεfu

Fella-k aţ-kfu

Ahat ak-ṣeggem-n laḥwal___Y/S

Lɛebd anḥḥas

Weyyak a lεavbd aneḥḥas

Yesfuti-n di gma-s

Γas arr lqid i y-iles-ik

Yir lhedṛa tneqq tissas

T-srab-ay lssas

Ger medden ad yɣli leqdaṛ-ik

Muqel aqadum-ik yibbass

Ak-dvin ṣṣifa-s

Aţ-ẓeṛ-ḍ amek yga w-ul-ik

Aggad ṛebbi di lqqeḍṛa-s

Tuεaṛ tyita-s

Assen ma yjeyf ṛṛuḥ-ik

Acḥal bbi iɣill-n tebna-y-as

Temqedwa fellas

Tarrat akken yella zik

Ddunit t-ddewiṛ yal-ass

T-ţεawad lssas

Semɣɣaṛ Allah di ccan-ik___Y/S

Lebɣi n medden

Qbel-aɣ a d-ili-ɣ diri-yi

Wala akken bɣa-n medden

Yal wa d-akken ig-barri

Nek maci d-aṣɣaṛ garas-n

Rebbi yaεlem yeţwali

Ma d laεbad i bɣu-n ɣill-n

D ccmayet ig-ccemit-n

Win i ten-iţamen-n meɣṛuṛ

Iɣella bb-ayen i zraε-n

Af ddarya-nsen ad-tduṛ

Assa a sellen lmed-n

Azekka ad-ffeɣ-n d laεṛuṛ___Y/S

Ur d-wet-n

Ur d-wet-n w-aman di lexṛif

Wala adfel di ccetwa

Tafsut tuɣal di rrif

Anevdu ad y-ini kra

Ţxil-k a llah a lttif

Ssres-d ṛṛaḥma-k di lqaεa___Y/S

Teǰṛa usisnu

Fṛeḥ-aɣ s ttejṛa usisnu

Xdem-aɣ-ţ bedd-aɣ ar ɣuṛ-s

Nekki ɣill-aɣ d yaḥyu

Ziɣen i lqgm-aɣ d lqaṛeṣ

Asirem-iw yddem-it w-aḍu

Γelet-aɣ taṛzeg aḥwiwes___Y/S

Yal wa s nnuba-s

Ţaggi id ddunit taḥṣi-ḍ

Yal wa ad tezzi nnuba-s

Ulamma yrkev-aɣ lḥir

Lwaqt iţ-εeddi nḥulf-as

Ayen iɣ yura-n am ttiṛ

Mḥaţţem ad-yas yibbass___Y/S

Ur ttafaṛ

Ur ttafaṛ win ur-k k-ibɣa-n

Anef-as ad yirxis lebda

Ḍeggaṛ akkin iɣɣevlan

I wid icuban tata

Zzat-k ad ţ-bin-n lhan

Deffir-k ṛebbi yeẓṛa___Y/S

Ussan

Ur ccqi-ɣ deg ussan yefna-n 

Wala wid id d-iţnulfu-n

Nedder-it-n akken iɣd d-usa-n 

S-wid ɣ-iḍṣa-n neɣ wid ɣ-isru-n

Narzef-d am wid id yusa-n

A nuɣal am wid yeţṛuḥu-n___Y/S

A wagi

A wagi ig ccahed-n s ẓẓuṛ

Amek-iţ tirrugza tesεi-ḍ

Issem-ik ar medden maḥquṛ

Ula ţibṣelt ur ţ-teswi-ḍ

Wahma-ɣ tin it keseb-ḍ d-aggur

Yɣuṛ-iţ zwaǧ-ik t-ţɣiḍ___Y/S

Nniya

A y-ass-fi lliɣ d nniya

Γill-aɣ ţţina id kulci

Qqel-aɣ amzun d-ameksa

Yeksa-n tiɣetten d w-ulli

Tagara ggriɣ-d di baṛṛa

I legrur akk d ctawi

A y-ass-fi ndel-n-t w-allen-iw

Ssumen-aɣ lliɣ di laman

Lḥif arri-ɣ d-aṛfiq-iw

D neţţa i di yimla-n

Amek alami d ẓhar-iw

I y-iǧǧa ger iḍaṛfan___Y/S

D-awal

D-awal id yebbi-n awal

F-ass-fi n-myaḥmal

Wamma assa kra din yekfa

T-tekka-ḍ af znad usawal

S lhedṛa lmuḥal

Ur d-ǧi-ḍ dgi kra

Γas dder-aɣ ur it-gi-ḍ azal

Ggri-ɣ-d am lexyal

Qqim-aɣ yid-m tamara

Teḍṛa yidi am w-uzzal

Ţ-waddez-aɣ s ccwal

Kcem-aɣ deg g-irrij yaṛɣa

Ulac w-id yarra-n awal

Ula d lmijal

Ţ-ṛaju-ɣ-t ur d-yusa-ra___Y/S

Abrid n lfetna

Telli-m abrid i lfetna

Yal wa yenjeṛ deg-s asɣaṛ

T-ţseffid-m dgi ccuka

Taṛṣa di lǧeta am meṣmaṛ

Issem-iw iw-n-fek-iɣ d-ayla

Tenɣa-m-t ḍeqger-m-t s-iɣẓaṛ___Y/S

Tacmaṭ

T-cemet-ḍ issem-iw gar medden

Tarri-t d-ayen ur nelli

T-saḥṛec-ḍ felli iεdawen

Ula d widak ur neswi

T-nejeṛ-ḍ amahwak wten

T-ḥeḍeṛ-ḍ t-ţaḍṣa-ḍ felli

Varru di sin yaṛja-y-aɣ

Ulamma ṛẓag y-issem-is

U it-xdem-ḍ u im-xdem-aɣ

Gar-/naɣ tebbeḍ a lḥedd-is

Ḥuss-aɣ si fadden-iw fcel-aɣ

Taεkkemt ẓẓay ibibbi-s___Y/S

Ay-bɛaḍ

Ma t-af-ḍ ḥed yettaṛṛif

Waḥed-s yesḥissif

Wina ḥṣu-t yefhem yessen

Wa yezga meskin d-uḥsif

Yeţarra di rrif

Yxeddem i medden laḥsen

D nniya zuɣeṛ ar-asif

Ssnen-t akk d-uḍṛif

Qesden-t laεvad at-ečč-n

Wayeḍ a t-af-ḍ d-uqṛif

Ttaṛ-is ɣezzif

Yuggar asif d-iḥmel-n

Ad d-iheddaṛ ad d-iṣttefttif

Di lekteb yeţṣaṛṛif

D winna medden i ḥamel-n

Ddunit tţeddu s-arrif

Tekkat am ssif

T-ɣettey kan wid leqqaq-n___Y/S

Lhedṛa tlawin

Tignewt-ik ma t-mɣumbas

S w-aman id ţemɣi-t temẓin

Ma aqaṛṛu-y-ik d-afaṛḍaṣ

Muḥal ad yesεu tilkin

Ma t-bɣi-ḍ a ṭ-idir d-afessas

Xḍu-k i lhadṛa tlawin___Y/S

الوجه الصافي

              لي يحب وجهو يصفا

            يحبس ما يهدر فالناس

                   يمنع من كل بلييا

           نفسو ما يغلبها وسواس

                  يرتاح اؤ قلبو يبرا

       Y/S___يعيش مهني لباس

Lwaqt uṣɛib

Ataya lwaqt ad d-iṣεeb

Kulci deg-s ad d-ixṛeb

Ad d-ixṣaṛ ula d win yelha-n

Amdan yellan d ttaleb

Ad yuɣal yesleb

Amzun maci d win yeɣṛa-n

Ula d win yexḍa-n lekteb

Ad-yars nngeb

Ad d-iqqel maci d win yeṣfa-n

Assen ad d-ilal laεǧeb

Bnadem ad d-iqleb

Am-akken ur yelli d-amdan

Allaɣ-is yella-n d ddheb

Ad d-ikkes sbeb

At ṭ-isfayay di lkifan

A ṛebbi t-ɛlem-ḍ lɣeyb

Nugad ma n-dneb

Laɛfu-k a bab laḥsan___Y/S

Ad d-iḥlu lxattaṛ

Deg-udrar abaḥri ḥlawen

D w-aman iṣemḍanen

Yeţ-zrurug-n deg g-ɣẓar

Ad qqim-aɣ ger ijeǧigen

D lward yeṭraḥ-n

Laɛqel-iw ad d-iṣafaṛ

Ad ţţuɣ tid d-iyuḍen-n

D wayen akk id d-iyuɣ-n

Ahat ad-yaḥlu lxattaṛ___Y/S

Zyada bb-awal

DDa lewnis yenna-d kulci

Dacu ad narnu nekkni

Siwa zyada bb-awal

Seg imezwura i tid-nebbi

D lwart ur nelhi

Akken as-nebru d lmuḥal

Γas deg-naɣ ad yekker ufaḥli

Ad d-iɣu an-beddel tikli

Fellas ad-ngar leqwal___Y/S

Nekkni s leqbayel

Nekkni s leqbayel nuεaṛ

Dacu iw mi n-ẓwaṛ

Siwa iw asmenteg isufa

Anda-t ccwal as-naḥḍaṛ

Deg-s an-smenjaṛ

Akken ad yfez-t tlufa

Mi nwala yeḍṛa uxeţţaṛ

Ad-n-jbed aḍaṛ

Am akken ur nwala kra

Gar medden ziεma as-neqqaṛ

An smiskin ayɣaṛ

Ar ɣuṛ-naɣ t-qqed taḥya

Wi ttfen di rebbi ulayɣaṛ

A tin-ɣ uḥebbaṛ

Ar ɣuṛes ddwa lmaḥna___Y/S

Adrar

A y-adrar yebna w-aẓṛu

Ygem-n yrennu

Tekkiḍ-d nnig uẓaɣaṛ

Ur n-zmir-ara ak-neṭṭu

Acḥal ik-nţ-εuzzu

Attas ik-narra leqdaṛ

N-zdeɣ-ik mebla akukru

N-ṣbaṛ i w-aḍu

Deg-k i nufa leqṛaṛ

Lexṛif tafsut anevdu

Degsen i n-teṭṭu

Deg-neɣ ig-bɣu yṣṣaṛ

Assa deg-k yekkat bururu

Yekfa ula d zhu

Tεedda tizi llaḥṛaṛ___Y/S

Ilul-d lukan

Ass-mi id d-ilul lukan

Yenneqlab zzman

Ig-beddel bnadem tikli-s

Laḥsab bbid it-id d-isnulfa-n

Mi ssaḥseb-n ufan

Tideṭ ad n-ɣeḍ-n issem-is

Xas wi ţazen-n s lmizan

Yexḍa i y-bardan

Warǧin yewzen iman-is___Y/S

Iɣzi-s ṛqiq

A win mi iɣzi-s ṛqiq

Hess-iyi-d ad ak-ḥku-ɣ

Lekteb yebb-id acewiq

Yheddaṛ af tideţ t-ţruɣ

Lbattel i yirra-n di ttiq

Ggull-aɣ ar d as-bru-ɣ___Y/S

Taggi d ddunit

Taggi d ddunit m lahmum

I wumi t-ṣṣaṛwa ssmum

I win yesɛa-n ẓẓhaṛ yaεya

Tefka nnuba i w-amcum

T-stufa-d ar umaɣbun

Teɣḍel-d fella-s lmaḥns

Iɣes yeḍbaε af w-aksum

Deg-idim a yeţsum

Teǧa-d afwad-is yarka

Acḥal bbin tɣuṛ s nnum

Yeţarggu yeţεum

Yukid yufad ula kra

Ziɣ lukan tudert t-ṭdum

Tili ula d-aqjun

Ad yuɣal d bu ṣraya

Axiṛ w-iṣveṛ-n maεlum

Af ṛebbi ur yeţlum

Wi ẓṛa-n leṣlaḥ anida___Y/S

Ass-makken

Ass makken lqum yeẓwaṛ

Yexdem adrar azaɣaṛ

Yečča i fassen-is id ḥella-n

Yella nnif yella leqdaṛ

Yal-wa akken ig g-zmar

Laεbad yakk xedem-n lewqam

Ass-aggi tamurt tendaṛ

Ugar ad nahḍaṛ

Maci d m-ig g-zmar leqlam___Y/S

Tamijalt

Ṣebḥan-k a sidi ṛebbi

Tamijalt m-ad tesseqsi

Lamana tebbeḍ bab-is

Lmut d-abrid war nefni

N-ẓṛa irkkulli

Yal-wa a tidyas w-ass-is

Ɣuṛ llah n-ţεenni

Ad-aɣ-d-ismekti

Ccada aţ-n-xtem yis___Y/S

Laḥdaqa

Laḥdaqa n-at zik tekfa

Dda-n s nniya

Qettu-n leccɣal d lkamelin

Ybeddel zman tura

D baḥwaṣṣu i maṛṛa

Amdan gma-s war t-issin

I kseb-n laεbad lla ḥṣa

Ulac leqniɛa

Bennu-n lebṛuj ţεelli-n

Aḍar mi yelḥa nedda

N-ḍfeṛ s laɛma

Xas iberdan ur frin

Ayen akk assa i g-id-neggra

D nekkni id sebba

Nuggad aɣ-iεeţţeb lesnin___Y/S

Laɛǧeb

A waggi id d-iger-n laεǧeb

Tideţ d-imedheb

Tugar dheb di lqima

Udem-ik ssaṛṣeḍ-as laḥjeb

Iles-ik d nnadeb

Ṣṣaḥ ur t-iheddaṛ-ara

Dacu akka ɣuṛ-k i n-lmed

Siwa kan lekteb

Daya i tesεi-ḍ d lḥirfa___Y/S

Aɣṛum

Aɣṛum-agi d yir neṭţa

M-ur kidul-ara

Ak-yaṛẓ ifadden i tikli

Aţ-ṣbaṛ-ḍ tarra tmara

Akka ig g-ura

Qlil bbi ţaggad-n ṛebbi

Axeddam ţaxxbizt ig g-bɣa

D-ujellab i tuṣṛa

Wama ayen niḍen d lfani___Y/S

Lfahem bb-awal

Ddunit la t-ţɣawal

A lfahem bb-awal

Attas di medden ay tɣuṛ

Kra bbin ig-kseb-n lmal

Ṣemmeḍ bḥal uzzal

Tasa-s ar gma-s teqquṛ

T-hubb-d lmut am ḥemmal

Arran-as akal

Cci-s yeggrad i w-aqquṛ___Y/S

Saddaṭ

A saddaţ anda tella-m

Dεu-t-aɣ s slam

Ad-yekkes af amdan latem

Intas-n i wid yestufa-n

Baṛka-k-n imqennan

Ur yuksan ḥed ityuɣen

Ata ddɣel d yir attan

Yeţaǧa-d ineẓman

Ak-yar si wid y-uḍen-n

Yeblis yella d win yeṣfan

D-aqṛib n ṛṛaḥman

Yarra-t s ggid yeţwakkes-n

Ddunit ur tesεi laman

Yeddawaṛ zman

Yal wa d nnuba as kellex-n___Y/S

Rebbi yeṭ-wali

A y-adrar id yarra-n tili

Yak ṛebbi yeţwali

S yal taɣawsa y-aεlem

Amdan yellan d-amcattni

Medlul yeţḥibbi

M-ay wali gma-s yeţwaḍlem

Ayen akk i t-haḍeṛ-m felli

Dgi war yelli

Xḍiɣ i tguni d yargazen

Muqel-t ma d-udem-iw waggi

Ma d win tessen-m iḍelli

Ma twala-m deg-s i t-cukke-m

Argaz segwen ad-yini

Ţaεyima a tid-yawi

Iya-w a medden a ţ-ẓeṛ-m

Assa nek ṣbaṛ-ɣ i kulci

I w-azkka zat ṛebbi

Ddnub d kunwi a t-ibibben

Ur ṣeḍḥa-ɣ ad hḍaṛ-ɣ felli

Aya dgi war yelli

Wekkl-aɣ-awen rebbi id isell-n

Aqli ad ḍleb-aɣ ṛebbi

S w-ul ur n-aɛṣi

Tuṣra-k i yal d lmumen___Y/S

Rebbi yiwen

Aḥṣu kan rebbi yiwen

Amen yis am akken

Id yenna deg awal-is

Ma d win is-igan icriken

Ass-fi at-nedl-n

A d-iẓaṛ tideţ s w-allen-is

Ad d-ibɣu ad yuɣal dayen

Ifut w-ig futen

Abrid ig-εebba nnεac-is___Y/S

Amecḥaḥ

Ɛuhed-aɣ aṣuṛdi umecḥaḥ

D-adrim war nesεi rrbaḥ

Ma yεawed a d-ikcem lǧib-iw

Di ṣbaḥ almi d lmeṣbaḥ

D nekk d-asfullaḥ

Ur di yiẓṛi laεtab-iw

Ulamma s-uxeddim yefṛaḥ

Yeţru af duṛu yeqṛaḥ

Acimi ḍelbaɣ lḥaq-iw___Y/S

Tira

Dmaɣ-d imru ad aru-ɣ

Yura felli lhem yeṣṣeḍ-n

Tikwal qaṛ-ɣ-as ţargu-ɣ

Limer ad akki-ɣ dɣa dayen

Mi yṛuḥ laḥzen at-nfu-ɣ

A yid εezzi-n w-uccanen

Yugi-yi w-ul ad ţu-ɣ

Ayen yakk i di yuɣen

Nuda-ɣ laḥbab as-naḥku-ɣ

F lhemm-iw m-ad ssifes-n

Aεyi-ɣ degsen ţṛaǧu-ɣ

Yɣab ula d lataṛ-nsen

Yugi-yi w-ul ad ţuɣ

Ayen yakk i di yuɣ-n

Ur ufiɣ ḥed as-aḥkuɣ

Siwa ṛebbi id d-ixelq-n

Ggriɣ-d kan waḥdi l-aţru-ɣ

I yifna-n d-imettawen___Y/S

T-ga-m tameɣṛa

T-ga-m tameɣṛa i y-iḍan

Kif ma čča-n ma swa-n

Sseglaf-n felli yal-ass

T-ţţum lxiṛ d leḥsan

Ar win ik-ni ṛebban

Amzun yiab-aw-n lsas

Acaquṛ d-aseklu is yenna-n

Feqqaṛ ma t-bɣi-ḍ laεwam

Afus-ik d nekk id bab-as___Y/S

المختلقون

          قل للذين في العيوب يختلقون

                  هل يعاب من يشبه القمر

                نجومي في السماء ينزهن

               كرامي غيمة الثلج و المطر

                ذنبي ان نوري كاشف لمن

                  غيه ملئ القلب و البصر

                  فكيف يعيب جمالي من

            عرضه تحت التراب و الحفر

                           رحم الله كل من

      Y/S___مسك لسانه و عيبه ستر

Ayen nnan

Lukan tecbaḥ ddunit

Ur d nettlal s-imetti

Lukan muman-t ddunit

Ur yeţuɣal w-afud d-attan

Lukan zeddig-t ddunit

Ur yeţirid wi mmuten___Y/S

Abrid id nebbi

abrid id nebbi iḍul

dges n-ţmuqul

wissen anda yeţfaka

d awezɣi neɣ d lmaεqul

asneddu s ttul

ulama tikli-s taḥfa

ddunit tarra-ya-ɣ laḥmul

tεebba-ya-ɣ lhul

necba alɣɣem n ṣaḥṛa___Y/S

Anadi

Lukan ţalli-n s-igenwan

Ad-nadi-ɣ lekkwan

Ad-qelb-aɣ itriw iɣab

Limer yḥabbes zman

Ad d-arraɣ ig-εeddan

Tudert as-εiwed-aɣ laḥsab

Imi ddunit-agi d lfan

D ṣbaṛ ig-gelhan

Ṛebbi ur ɣ-iţḍeggiṛ laεtab___Y/S

Lɛid

Yak nnan lεid tebbeḍ-d

Wi sεan yenfeq-d

Ma dnek lǧib-iw yexla

Ul-iw meskin ymenḍef-d

S-imetti ysaḥ-d

Iẓṛi-w ur yezmir-ara

Sebḥan lwaḥed lwaḥed

Γas fella-ɣ yjared

Tegiḍaɣ ṣbaṛ d naεma___Y/S

Yal zman

Yal zman yesεa at ẓẓuṛ

Kkat-n am caqquṛ

Γettl-n tirrugza ţissas

Laṣel d ddin zik d nnuṛ

Ṛebban-d at laḥṛuṛ

Yqquvl-n aεdaw s-aṛṣaṣ

Assa kra din yuɣal mahjuṛ

Amzun d-aεkkur

Ar medden teɣli lqim-as

Acḥal bwin tudert i tɣuṛ

Yεebba am lbabuṛ

Yeţɣil ddunit d lmaṛṣ-as

Lmut m-it-tarra af-aεrur

Fuk-n deg-s lahḍuṛ

Am win yerfed-n tiddas

Isem-ik allah mur medkkuṛ

Fella-k ma animɣɣuṛ

Ur ɣ-ṭaǧa ad-yali w-ass___Y/S